Mga Maghuhukom 17:4 - Ang Pulong sa Dios

⁴ Unya mikuha ang iyang inahan ug 200 ka pilak ug gihatag sa platero. Naghimo ang platero ug rebulto nga kinulit ug rebulto nga metal, ug sa dihang nahuman na kini, gibutang kini didto sa balay ni Micas.

Ang Biblia 2011

⁴ Sa diha nga iyang giuli ang plata ngadto sa iyang inahan, ang iyang inahan mikuha ug duha ka gatos ka buok plata ug gihatag kini ngadto sa platero ug gihimo kini nga kinulit nga larawan ug tinunaw nga larawan, ug kini didto sa balay ni Mikeas.

Maayong Balita Biblia

⁴ Busa sa dihang giuli niya ang salapi ngadto sa iyang inahan, gikuha sa inahan ang 200 ka buok niini ug gihatag kini sa platero aron itaptap sa kahoyng diosdios. Ang larawan gibutang sa balay ni Miqueas.

Ang Bag-ong Maayong Balita Biblia

⁴ Busa sa dihang giuli niya ang salapi ngadto sa iyang inahan, gikuha sa inahan ang 200 ka buok niini ug gihatag kini sa platero aron itaptap sa kahoyng diosdios. Ang larawan gibutang sa balay ni Miqueas.

Mga Maghuhukom 17:4 Cross References

Isaias 30:22

Ngil-aran na kamo sa inyong mga dios-dios, nga mga hinaklapan ug plata ug bulawan. Ilabay ninyo kini nga daw hugaw nga trapo ug moingon, “Dili nako gustong makita pa kamo!”

Isaias 44:13

Ang panday sa kahoy mosukod ug usa ka putol sa kahoy. Markahan niya kini ug pormahong tawo pinaagi sa iyang mga gamit. Unya kuliton niya kini sa matahom nga dagway sa tawo aron ibutang sa usa ka balay.

Habacuc 2:18

“Unsa may kapuslanan sa dios-dios nga gikulit sa magkukulit? O imahen nga nagtudlo ug bakak? Kay siya nga naghimo niini misalig sa iyang hinimo; naghimo siya ug dios-dios nga dili makasulti.

Deuteronomio 27:15

“Tinunglo ang tawo nga maghimo sa bisan unsa nga mga dios-dios nga hinimo sa bato o bronsi ug mosimba niini sa tago. Kay kining mga dios-dios nga hinimo lang sa tawo gikangil-aran sa Ginoo.” Motubag dayon ang tanang mga tawo, “Amen!”

Mga Maghuhukom 17:3

Giuli ni Micas ang 1,100 ka mga pilak sa iyang inahan. Miingon ang iyang inahan, “Ihalad ko kini sa Ginoo alang sa kaayohan sa akong anak. Gamiton ko kini sa pagpahimo ug rebulto nga kinulit ug rebulto nga metal.”

Mga Maghuhukom 17:5

Kini si Micas adunay kaugalingong kapilya sa mga dios. Naghimo siya ug efod nga hinimo gikan sa bulawan ug mga rebulto ug gihimo niya nga pari ang usa sa iyang mga anak nga lalaki.