Mga Maghuhukom 17:2 - Ang Pulong sa Dios

² Usa ka adlaw, miingon si Micas sa iyang inahan, “Sa dihang nawala ang imong 1,100 ka mga salapi, nadungog ko nga gitunglo mo ang nagkuha. Ania ang salapi, ako ang nagkuha.” Miingon ang iyang inahan, “Hinaut nga panalanginan ka sa Ginoo, anak.”

Ang Biblia 2011

² Ug siya miingon sa iyang inahan, “Ang napulo ug usa ka gatos ka buok salaping plata nga gikuha gikan kanimo, nga mahitungod niini ikaw namulong ug usa ka tunglo, ug misulti usab ikaw niini sa akong mga dalunggan, tan-awa ang salapi ania kanako. Gikuha nako kini.” Ug ang iyang inahan miingon, “Panalanginan unta sa Ginoo ang akong anak.”

Maayong Balita Biblia

² Giingnan niya ang iyang inahan, “Sa dihang gikawatan kag 1,100 ka salapi, gitunglo mo ang kawatan. Nadungog ko kini ug ania ang salapi. Ako ang mikawat.” Miingon ang iyang inahan, “Panalanginan ka unta sa Ginoo, anak ko!”

Ang Bag-ong Maayong Balita Biblia

² Giingnan niya ang iyang inahan, “Sa dihang gikawatan kag 1,100 ka salapi, gitunglo mo ang kawatan. Nadungog ko kini ug ania ang salapi. Ako ang mikawat.” Miingon ang iyang inahan, “Panalanginan ka unta sa Ginoo, anak ko!”

Mga Maghuhukom 17:2 Cross References

Genesis 14:19

Gipanalanginan niya si Abram nga nag-ingon: “Hinaut pa nga panalanginan ka, Abram, sa Labing Halangdong Dios nga nagbuhat sa langit ug sa yuta.

Nehemias 13:25

Busa gikasab-an ug gitunglo ko kining mga taga-Juda. Gibunalan ko ang uban kanila ug gibira ang ilang mga buhok. Gipapanumpa ko sila sa ngalan sa Dios nga sila ug ang ilang mga anak dili na gayod mangasawa o mamana sa mga dili Israelinhon.

Salmo 10:3

Gipasigarbo nila ang ilang daotang mga tinguha. Gitunglo ug gisalikway ang  Ginoo sa mga tawong hakog.

Exodo 20:7

Ayaw ninyo gamita ang akong ngalan sa walay kapuslanan kay ako ang Ginoo nga inyong Dios, magsilot kang bisan kinsa nga mogamit sa akong ngalan sa walay kapuslanan.

Mga Panultihon 28:24

Ang tawo nga mangawat gikan sa iyang ginikanan ug nag-ingon nga dili kini sala, kauban sa mga kriminal.

Jeremias 48:10

“Panghimaraoton ang tawong magbangay-bangay sa pagbuhat sa buluhaton sa Ginoo batok sa Moab. Panghimaraoton ang tawong dili mogamit sa iyang espada sa pagpatay sa mga taga-Moab.

Mateo 26:74

Apan nanumpa gayod si Pedro nga nag-ingon, “Bisag mamatay pa ako, wala gayod ako makaila sa tawo nga inyong giingon.” Unya mituktugaok dayon ang manok,

Roma 9:3

tungod sa akong mga katagilungsod ug kadugo. Kon mahimo pa lang unta palabihon ko nga ako ang tunglohon sa Dios ug ipahimulag kang Cristo aron lang nga maluwas sila sa silot.

1 Mga Taga-Corinto 16:22

Hinaut nga silotan sa Dios si bisan kinsa nga wala mahigugma kaniya. Ginoo, balik na!

Deuteronomio 27:16

“Tinunglo ang tawo nga dili motahod sa iyang ginikanan.” Motubag dayon ang tanang mga tawo, “Amen!”

2 Juan 1:11

Kay ang moabi-abi kaniya makaambit sa iyang daotang binuhatan.

Mga Maghuhukom 17:1

Adunay usa ka tawo nga ginganlag Micas nga nagpuyo sa kabungtoran sa Efraim.

Mga Maghuhukom 17:3

Giuli ni Micas ang 1,100 ka mga pilak sa iyang inahan. Miingon ang iyang inahan, “Ihalad ko kini sa Ginoo alang sa kaayohan sa akong anak. Gamiton ko kini sa pagpahimo ug rebulto nga kinulit ug rebulto nga metal.”

Mga Maghuhukom 5:23

Miingon ang anghel sa Ginoo, ‘Panghimaraota ang Meroz! Panghimaraota gayod ang tanang nagpuyo didto kay wala sila motabang sa Ginoo sa pagpakig-gira batok sa maisog nga mga kaaway.’

Ruth 3:10

Miingon si Boaz, “Hinaut nga panalanginan ka sa Ginoo. Ang pag-unong nga gipakita mo karon sa imong pamilya mas labaw pa sa gipakita mo kaniadto. Kay wala ka mag-apas sa batan-ong lalaki, adunahan man siya o kabos.

1 Samuel 14:24

Niadtong adlawa, naluya ang mga Israelinhon sa kagutom kay nanumpa si Saulo nga nag-ingon, “Tinunglo ang si bisan kinsa nga mokaon sa dili pa mogabii, sa dili pa ako makapanimalos batok sa akong mga kaaway.” Busa wala gayoy mikaon kanila.

1 Samuel 14:28

Gisultihan siya sa usa sa mga sundalo, “Dili kita mahimong mokaon kay nanumpa ang imong amahan nga tunglohon si bisan kinsa nga mokaon karong adlawa. Mao gani nga naluya ang mga tawo.”

1 Samuel 15:13

Giadto ni Samuel si Saulo. Ug sa dihang nagkita sila, miingon si Saulo kaniya, “Hinaut pa nga panalanginan ka sa Ginoo! Gituman ko ang gisulti sa Ginoo.”

1 Samuel 23:21

Mitubag si Saulo, “Panalanginan kamo sa Ginoo sa inyong kahangawa kanako.

1 Samuel 26:19

Mahal nga Hari, pamatia ang akong isulti. Kon ang Ginoo mao ang nagtulod kanimo sa pagpatay kanako, hinaut dawaton niya ang akong halad. Apan kon kini iya lang sa tawo, hinaut nga panghimaraoton sila sa Ginoo. Kay gihinginlan nila ako gikan sa yuta sa Ginoo ug giingnan nga moalagad sa ubang mga dios.