Mga Maghuhukom 16:3 - Ang Pulong sa Dios

³ Apan hangtod lang sa tungang gabii nakigdulog si Samson sa babaye. Pagkahuman, mibangon siya ug miadto sa pultahan sa lungsod. Giibot niya ang duha ka haligi dala ang sira ug ang mga trangka niini. Unya gipas-an niya kini ug gidala sa kinatumyan sa bungtod nga nag-atubang sa Hebron.

Ang Biblia 2011

³ Apan si Samson natulog hangtod sa pagkatungang gabii, ug nianang pagkatugang gabii, siya mibangon ug gikuptan ang mga pultahan sa ganghaan sa siyudad ug ang duha ka haligi, ug giibot kini, ang trangka ug ang tanan, ug gipas-an kini ngadto sa tumoy sa bukid tupad sa Hebron.

Maayong Balita Biblia

³ Apan si Samson natulog hangtod sa tungang gabii. Unya mibangon siya ug gialsa niya ang ganghaan sa siyudad lakip ang mga sira, mga haligi, mga trangka ug uban pa. Gipas-an niya kini ug gidala ngadto sa tumoy sa bungtod nga nagdungaw sa Hebron.

Ang Bag-ong Maayong Balita Biblia

³ Apan si Samson natulog hangtod sa tungang gabii. Unya mibangon siya ug gialsa niya ang ganghaan sa siyudad lakip ang mga sira, mga haligi, mga trangka ug uban pa. Gipas-an niya kini ug gidala ngadto sa tumoy sa bungtod nga nagdungaw sa Hebron.

Mga Maghuhukom 16:3 Cross References

Salmo 107:16

Kay gipangguba niya ang mga pultahan nga bronsi ug gipangbali ang mga rehas nga puthaw.

Miqueas 2:13

Ablihan ko ang pultahan sa siyudad diin kamo gibihag, ug pangulohan ko kamo sa paggawas. Ako, ang  Ginoo nga inyong hari, maoy mangulo kaninyo.”

Mga Buhat 2:24

Apan gibanhaw siya sa Dios ug giluwas gikan sa gahom sa kamatayon, kay ang tinuod, bisan ang kamatayon walay gahom sa pagpugong kaniya.

Mga Maghuhukom 16:2

Nahibaloan sa mga taga-Gaza nga atua didto si Samson, busa gilibotan nila ang lungsod ug tibuok gabii nga gibantayan ang pultahan sa lungsod. Wala silay laing gihimo niadtong gabhiona, tungod kay nagkasabot sila nga patyon nila si Samson nianang pagkabuntag.

Mga Maghuhukom 16:4

Human niini, nahigugma si Samson sa usa ka babaye nga ginganlag Delilah nga didto nagpuyo sa walog sa Sorek.