Mga Maghuhukom 15:7 - Ang Pulong sa Dios

⁷ Miingon si Samson sa mga Filistihanon, “Tungod niining inyong gihimo, dili ako mohunong hangtod nga makabalos ako kaninyo.”

Ang Biblia 2011

⁷ Ug si Samson miingon kanila, “Kon mao kini ang inyong buhaton, ipanumpa nako nga manimalos ako kaninyo ug human niana mohunong na ako.”

Maayong Balita Biblia

⁷ Si Samson miingon kanila, “Ingon diay kamo niini! Ipanumpa ko nga dili gayod ako moundang hangtod makapanimalos ako kaninyo!”

Ang Bag-ong Maayong Balita Biblia

⁷ Si Samson miingon kanila, “Ingon diay kamo niini! Ipanumpa ko nga dili gayod ako moundang hangtod makapanimalos ako kaninyo!”

Mga Maghuhukom 15:7 Cross References

Roma 12:19

Mga hinigugma, ayaw gayod kamo pagpanimalos, kondili itugyan ninyo kini sa Dios nga mao ang magsilot kanila. Kay sa Kasulatan nag-ingon ang Dios: “Ako ang manimalos; ako ang magsilot.”

Mga Maghuhukom 14:19

Gigamhan pag-usab sa Espiritu sa Ginoo si Samson. Milugsong siya sa Ashkelon ug mipatay ug 30 ka tawo. Unya gikuha niya ang ilang mga butang ug gihatag ang mga bisti sa mga tawo nga nakatubag sa iyang tigmo. Pagkahuman, masuk-anon siyang mipauli sa balay sa iyang amahan.

Mga Maghuhukom 14:4

Wala masayod ang mga ginikanan ni Samson nga ang iyang desisyon pagbuot diay sa Ginoo. Kay nangita ang Ginoo ug higayon nga makig-away sa mga Filistihanon, tungod kay ang Israel nailalom sa gahom sa mga Filistihanon niadtong panahona.

Mga Maghuhukom 15:6

Nangutana ang mga Filistihanon kon kinsa ang naghimo niadto. Ug giingnan sila nga si Samson. Kay gipaminyo sa iyang ugangang lalaki nga taga-Timnah ang iyang asawa sa usa niya ka higala. Busa milakaw ang mga Filistihanon ug gisunog nila ang babaye ug ang iyang amahan.

Mga Maghuhukom 15:8

Gisulong niya sila ug daghan ang iyang napatay. Pagkahuman, nagpalayo siya ug nagtago sa langub, sa pangpang sa Etam.