Mga Maghuhukom 15:6 - Ang Pulong sa Dios

⁶ Nangutana ang mga Filistihanon kon kinsa ang naghimo niadto. Ug giingnan sila nga si Samson. Kay gipaminyo sa iyang ugangang lalaki nga taga-Timnah ang iyang asawa sa usa niya ka higala. Busa milakaw ang mga Filistihanon ug gisunog nila ang babaye ug ang iyang amahan.

Ang Biblia 2011

⁶ Unya ang mga Filistihanon miingon, “Kinsay naghimo niini?” Ug sila miingon, “Si Samson nga umagad sa taga-Timna tungod kay gikuha sa iyang ugangan ang asawa ni Samson ug gihatag ngadto sa iyang kauban.” Ug ang mga Filistihanon mitungas, ug gisunog sa kalayo ang babaye ug ang iyang amahan.

Maayong Balita Biblia

⁶ Unya nangutana ang mga Filistihanon, “Kinsay nagbuhat niini?” Nahibaloan nila nga si Samson diay maoy nagbuhat niini tungod kay gihatag man sa iyang ugangan nga taga-Timna ang asawa ni Samson ngadto sa higala ni Samson. Busa nangadto ang mga Filistihanon ug gidaoban nila ang asawa ni Samson lakip ang iyang ugangan nga lalaki.

Ang Bag-ong Maayong Balita Biblia

⁶ Unya nangutana ang mga Filistihanon, “Kinsay nagbuhat niini?” Nahibaloan nila nga si Samson diay maoy nagbuhat niini tungod kay gihatag man sa iyang ugangan nga taga-Timna ang asawa ni Samson ngadto sa higala ni Samson. Busa nangadto ang mga Filistihanon ug gidaoban nila ang asawa ni Samson lakip ang iyang ugangan nga lalaki.

Mga Maghuhukom 15:6 Cross References

Mga Panultihon 22:8

Ang magpugas ug daotan moani ug kalaglagan, ug maundang na ang iyang pagpasakit sa uban.

1 Mga Taga-Tesalonica 4:6

aron dili kamo makalapas sa katungod o makapanglimbong sa inyong isigka-tumutuo pinaagi sa pagpanapaw sa iyang asawa. Gisulti na namo kini kaninyo kaniadto ug gipahimangnoan gayod namo kamo nga ang nagbuhat niini silotan sa Ginoo.

Mga Maghuhukom 12:1

Gitigom ang mga kalalakin-an nga gikan sa tribo ni Efraim ug mitabok sila sa Suba sa Jordan ug miadto sa Zafon aron atubangon si Jefta. Nangutana sila kaniya, “Nganong wala mo kami tawga sa dihang nakig-gira kamo sa mga Amonihanon? Tungod niining imong gihimo, i-apil ka namo ug sunog sa imong balay.”

Mga Maghuhukom 14:15

Sa ikaupat nga adlaw, giingnan nila ang asawa ni Samson, “Kumbinsiha ang imong bana nga isulti kanimo ang tubag sa tigmo, kay kondili, sunogon ka namo apil ang panimalay sa imong amahan. Gidapit ba ninyo kami aron panapian?”

Mga Maghuhukom 15:5

Unya gidagkotan niya ang mga sulo ug gibuhian ang mga ihalas nga milo didto sa trigohan sa mga Filistihanon. Nasunog ang tanang trigo, dili lang ang naani na, kondili, lakip usab ang wala pa maani. Nasunog usab ang ubasan ug tanaman sa mga olibo.

Mga Maghuhukom 15:7

Miingon si Samson sa mga Filistihanon, “Tungod niining inyong gihimo, dili ako mohunong hangtod nga makabalos ako kaninyo.”