Mga Maghuhukom 15:1 - Ang Pulong sa Dios

¹ Milabay ang panahon, ug sa dihang miabot ang ting-ani, mibisita si Samson sa iyang asawa, ug nagdala siyag batan-ong kanding. Miingon si Samson sa iyang ugangan nga lalaki, “Gusto kong mosulod sa kuwarto sa akong asawa.” Apan wala motugot ang iyang ugangang lalaki.

Ang Biblia 2011

¹ Wala madugay, panahon sa ting-ani sa trigo, si Samson milakaw aron sa pagduaw sa iyang asawa uban ang usa ka nating kanding, ug siya miingon, “Sudlon nako ang akong asawa sa lawak.” Apan ang amahan sa babaye wala motugot kaniya sa pagsulod.

Maayong Balita Biblia

¹ Wala madugay, miabot ang ting-ani sa trigo. Giduaw ni Samson ang iyang asawa ug gidad-an niya kinig nating kanding. Giingnan niya ang iyang ugangang lalaki, “Gusto kong mosulod sa lawak sa akong asawa.” Apan wala siya pasudla sa iyang ugangan.

Ang Bag-ong Maayong Balita Biblia

¹ Wala madugay, miabot ang ting-ani sa trigo. Giduaw ni Samson ang iyang asawa ug gidad-an niya kinig nating kanding. Giingnan niya ang iyang ugangang lalaki, “Gusto kong mosulod sa lawak sa akong asawa.” Apan wala siya pasudla sa iyang ugangan.

Mga Maghuhukom 15:1 Cross References

Genesis 29:21

Paglabay sa pito ka tuig, miingon si Jacob kang Laban, “Nahuman na ang panahon sa akong pag-alagad kanimo, busa ihatag na kanako si Raquel aron mag-ipon na kami.”

Genesis 38:17

Miingon si Juda, “Hatagan ka nako ug kanding gikan sa akong kahayopan.” Mitubag si Tamar, “Mosugot ako kon aduna kay ihatag kanako nga garantiya hangtod nga ikapadala mo na ang kanding.”

Genesis 6:4

Niadtong panahona, ug bisan sa misunod pa nga mga panahon, adunay mga Nefilim sa kalibotan. Mga kaliwat sila sa mga anak sa Dios nga nakighilawas sa maanyag nga mga babaye. Gamhanan ug bantogan sila.

Lucas 15:29

Apan mitubag siya sa iyang amahan, ‘Hinumdomi ra gud kon pila na ka tuig ang akong pag-alagad kanimo. Wala gayod ako mosupak kanimo. Apan bisan kanding na lang wala mo gayod ako hatagi aron ako maglipay uban sa akong mga amigo.

Deuteronomio 22:13

“Pananglit gipangasawa sa usa ka tawo ang usa ka babaye, ug pagkahuman nila ug dulog, nasuko siya sa iyang asawa,