Mga Maghuhukom 13:8 - Ang Pulong sa Dios

⁸ Tungod niini nag-ampo si Manoa sa Ginoo. Miingon siya, “Ginoo, kon mahimo, pabalika ang alagad sa Dios nga gipadala mo aron tudloan kami kon unsay angay namong buhaton sa bata kon matawo na kini.”

Ang Biblia 2011

⁸ Unya si Manoa nagpakiluoy sa Ginoo ug miingon, “O Ginoo, ako nag-ampo kanimo, himoa nga ang tawo sa Dios nga imong gipadala makaanhi kanamo pag-usab, ug magtudlo kanamo kon unsay buhaton namo sa bata nga matawo.”

Maayong Balita Biblia

⁸ Unya nag-ampo si Manoa sa Ginoo, “Pabalika intawon, O Ginoo, ang tawo sa Dios nga gipadala mo kanamo aron sultihan kami unsay buhaton namo sa bata inigkatawo niya.”

Ang Bag-ong Maayong Balita Biblia

⁸ Unya nag-ampo si Manoa sa Ginoo, “Pabalika intawon, O Ginoo, ang tawo sa Dios nga gipadala mo kanamo aron sultihan kami unsay buhaton namo sa bata inigkatawo niya.”

Mga Maghuhukom 13:8 Cross References

Job 34:32

‘Ipadayag kanako ang akong sala. Kon nakasala ako, dili ko na kini buhaton pag-usab.’

Mga Buhat 9:6

Tindog ug adto sa siyudad, tungod kay didto adunay mosulti kanimo kong unsa ang angay mong himuon.”

Mga Maghuhukom 13:11

Mitindog si Manoa ug misunod sa iyang asawa. Sa pagkakita niya sa tawo, gipangutana niya kini, “Ikaw ba ang nakigsulti sa akong asawa?” Mitubag kini, “Oo, ako.”

Mga Maghuhukom 13:3

Usa niana ka adlaw, nagpakita ang anghel sa Ginoo ngadto sa iyang asawa ug miingon, “Hangtod karon wala ka pay anak. Apan mamabdos ka ug manganak ug usa ka lalaki.

Mga Maghuhukom 13:6

Miadto ang babaye sa iyang bana ug miingon, “Nagpakita kanako ang usa ka alagad sa Dios, mura siyag anghel sa Dios. Gikulbaan gayod ako! Wala ako mangutana kon taga-asa siya ug wala usab siya misulti kon kinsa siya.

Mga Maghuhukom 13:7

Miingon siya kanako nga mamabdos ako ug manganak ug batang lalaki. Kinahanglan nga dili kuno ako moinom ug bino o bisan unsang matang sa ilimnon nga makahubog o mokaon sa bisan unsang pagkaon nga giisip nga mahugaw, tungod kay ang bata nga akong ipakatawo hinalad na ngadto sa Dios ingon nga Nazareo gikan sa iyang pagkatawo hangtod nga siya mamatay.”

Mga Maghuhukom 13:9

Gidungog sa Dios ang gihangyo ni Manoa. Nagpakita pag-usab ang anghel sa Dios ngadto sa asawa ni Manoa samtang naglingkod kini didto sa uma, apan wala didto si Manoa.