Mga Maghuhukom 12:3 - Ang Pulong sa Dios

³ Sa dihang nakita ko nga dili kamo motabang kanamo, gisugal ko ang akong kinabuhi sa pagpakig-gira sa mga Amonihanon. Gitugot sa Ginoo nga modaog ako. Karon, nganong makig-gira man kamo kanako?”

Ang Biblia 2011

³ Sa diha nga akong nakita nga kamo dili buot moluwas kanako, gibutang nako ang akong kinabuhi sa akong kamot, ug mitabok batok sa mga Amonihanon ug ang Ginoo nagtugyan kanila nganhi sa akong kamot. Busa ngano nga mianhi man kamo kanako niining adlawa aron sa pagpakig-away batok kanako?”

Maayong Balita Biblia

³ Sa pagkasayod ko nga dili kamo motabang kanako sa pagpakiggubat kanila, nangahas ako pag-asdang sa mga Amonihanon ug ang Ginoo mihatag kanakog kadaogan. Karon, nganong nanganhi man kamo aron makig-away kanako?”

Ang Bag-ong Maayong Balita Biblia

³ Sa pagkasayod ko nga dili kamo motabang kanako sa pagpakiggubat kanila, nangahas ako pag-asdang sa mga Amonihanon ug ang Ginoo mihatag kanakog kadaogan. Karon, nganong nanganhi man kamo aron makig-away kanako?”

Mga Maghuhukom 12:3 Cross References

2 Cronicas 13:12

Ang Dios kauban namo; siya ang among pangulo. Ang iyang mga pari mopatingog sa mga trumpeta sa pagpanguna kanamo sa pagpakig-gira kaninyo. Mga katawhan sa Israel, ayaw kamo pagpakigbatok sa Ginoo, nga Dios sa inyong mga katigulangan, kay dili gayod kamo magmalampuson.”

Job 13:14

Andam ako nga mosugal sa akong kinabuhi.

Salmo 119:109

Bisan pa ug gaungaw ako kanunay sa kamatayon, wala ko kalimti ang imong kasugoan.

Roma 16:4

Gitahan nila ang ilang kinabuhi alang kanako; ug dili lang ako ang nagpasalamat kanila, kondili ang tanan usab nga mga iglesia nga dili Judio.

Gipadayag 12:11

Apan gipildi siya sa atong kauban nga mga tumutuo pinaagi sa dugo sa Karnero, ug pinaagi sa kamatuoran nga ilang gisangyaw. Ug wala sila mahadlok nga motahan sa ilang kinabuhi tungod sa ilang pagtuo.

Mga Maghuhukom 11:27

Wala kamiy daotang gihimo kaninyo. Kamo hinuon ang naghimog daotan sa inyong pagpakig-gira kanamo. Ang Ginoo mao ang mohukom kon kinsa ang husto kanato.”

Mga Maghuhukom 12:2

Apan miingon si Jefta kanila, “Adunay dakong kasamok tali kanamo ug sa mga Amonihanon. Nangayo kami ug tabang kaninyo, apan wala ninyo kami tabangi.

Mga Maghuhukom 12:4

Gitigom ni Jefta ang kalalakin-an sa Gilead ug nakig-gira sila sa mga Efraimnon tungod kay miingon ang mga Efraimnon, “Kamong mga taga-Gilead mga layas gikan sa Efraim nga namuyo sa teritoryo sa Efraim ug Manases.” Gipildi sa mga taga-Gilead ang mga Efraimnon.

Mga Maghuhukom 9:17

Hinumdomi ninyo nga nakig-gira ang akong amahan aron luwason kamo gikan sa mga Midianhon. Gisakripisyo niya ang iyang kinabuhi alang kaninyo.

1 Samuel 19:5

Gisugal niya ang iyang kinabuhi sa dihang gipatay niya ang Filistihanon nga si Goliat, ug gipadaog sa Ginoo ang tibuok Israel. Nakita mo kini ug nalipay ka. Nganong buot mong patyon ang usa ka inosenteng tawo, sama kang David, sa walay igong hinungdan?”

1 Samuel 28:21

Miduol ang babaye kang Saulo. Ug sa dihang nakita niya nga labihan ang kahadlok ni Saulo, miingon siya, “Mahal nga Hari, gituman ko ang imong gisugo bisan nahibaloan ko nga anaa sa kakuyaw ang akong kinabuhi.