Mga Maghuhukom 11:7 - Ang Pulong sa Dios

⁷ Apan mitubag si Jefta, “Dili ba nga nasuko man kamo kanako ug gipalayas man gani ninyo ako gikan sa balay sa akong amahan? Karon nga anaa na kamo sa kalisod nganong mangayo kamo ug tabang kanako?”

Ang Biblia 2011

⁷ Apan si Jefta miingon sa mga kadagkoan sa Gilead, “Wala ba kamo magdumot kanako ug maghingilin kanako gikan sa balay sa akong amahan? Nganong nanganhi man kamo kanako karon nga anaa kamo sa kalisod?”

Maayong Balita Biblia

⁷ Apan mitubag si Jefta, “Gipakaingon kog nagdumot kamo kanako. Gihinginlan ninyo ako gikan sa balay sa akong amahan. Nganong nanganhi man kamo karon nga nagkalisodlisod na kamo?”

Ang Bag-ong Maayong Balita Biblia

⁷ Apan mitubag si Jefta, “Gipakaingon kog nagdumot kamo kanako. Gihinginlan ninyo ako gikan sa balay sa akong amahan. Nganong nanganhi man kamo karon nga nagkalisodlisod na kamo?”

Mga Maghuhukom 11:7 Cross References

Genesis 26:27

Nangutana si Isaac kanila, “Nganong mianhi man kamo? Dili ba nga naglagot man kamo kanako, ug gipapahawa pa gani ninyo ako sa inyong dapit?”

Genesis 37:27

Maayo pa tingali kon ibaligya na lang nato siya nianang mga Ishmaelinhon. Dili na lang nato siya patyon kay igsoon nato siya.” Miuyon kang Juda ang iyang mga igsoon.

Mga Panultihon 17:17

Ang higala naghigugma kanimo sa tanang panahon, ug ang kadugo motabang kanimo sa panahon sa kalisdanan.

Isaias 60:14

Ang mga kaliwat sa mga nagdaog-daog kanimo moduol kanimo nga magyukbo. Moluhod sa imong tiilan ang tanang mitamay kanimo, ug tawgon ka nila nga ‘Siyudad sa Ginoo’ o ‘Zion, ang Siyudad sa Balaang Dios sa Israel.’

Gipadayag 3:9

Apan mahitungod niadtong mga tawo nga sakop ni Satanas, nga mga bakakon ug nagpakaaron-ingnon nga mga Judio, paludhon ko sila diha sa inyong atubangan, ug masayran nila nga gihigugma ko kamo.

Mga Maghuhukom 11:6

Giingnan nila siya, “Pangulohi kami sa pagpakig-gira sa mga Amonihanon.”