Mga Maghuhukom 11:2 - Ang Pulong sa Dios

² Adunay mga anak usab si Gilead sa iyang asawa, ug sa dihang nanagko na kini, gipalayas nila si Jefta. Giingnan nila kini, “Wala kay mapanunod gikan sa among amahan, tungod kay anak ka sa laing babaye.”

Ang Biblia 2011

² Ug ang asawa ni Gilead nanganak kaniya ug mga anak nga lalaki, ug sa diha nga midako na ang mga anak nga lalaki sa iyang asawa, ilang gihinginlan si Jefta ug giingnan siya, “Ikaw dili makapanunod sa balay sa atong amahan kay ikaw anak man sa laing babaye.”

Maayong Balita Biblia

² Si Gilead may lain usab nga mga anak sa iyang asawa ug sa dagko na ang iyang mga anak, gihinginlan nila si Jefta ug giingnan, “Wala kay mapanunod sa atong amahan kay anak ka man sa laing babaye.”

Ang Bag-ong Maayong Balita Biblia

² Si Gilead may lain usab nga mga anak sa iyang asawa ug sa dagko na ang iyang mga anak, gihinginlan nila si Jefta ug giingnan, “Wala kay mapanunod sa atong amahan kay anak ka man sa laing babaye.”

Mga Maghuhukom 11:2 Cross References

Genesis 12:10

Unya, miabot ang dakong kagutom sa Canaan, busa miadto si Abram sa Ehipto aron didto lang una mopuyo.

Genesis 21:10

Busa miingon si Sara kang Abraham, “Palayasa kining babayeng sulugoon ug ang iyang anak, kay dili makapanunod ang iyang anak sa katigayonan uban kang Isaac nga akong anak.”

Mga Panultihon 2:16

Ang kaalam maglikay usab kanimo sa babayeng daotan nga buot motintal kanimo pinaagi sa matam-is niyang mga pulong.

Mga Panultihon 5:20

Anak, ayaw pagpadani sa babayeng daotan o pagpakigrelasyon kaniya.

Mga Panultihon 5:3

Ang pulong sa babayeng daotan sama katam-is sa dugos, ug lami tagamtamon sama sa lana sa olibo.

Mga Taga-Galacia 4:30

Apan unsa man ang gisulti sa Dios diha sa Kasulatan? “Hinginli ang ulipon nga babaye ug ang iyang anak, tungod kay ang anak sa ulipon walay bahin sa panulondon sa anak sa babaye nga dili ulipon.”

Deuteronomio 23:2

“Ang tawo nga anak sa gawas dili makaapil sa katilingban sa Ginoo apil ang iyang mga kaliwat hangtod sa ikanapulo nga henerasyon.

Mga Maghuhukom 11:1

Si Jefta nga taga-Gilead usa ka maisog nga sundalo. Si Gilead ang iyang amahan. Ug ang iyang inahan usa ka babayeng nagbaligya sa iyang dungog.

Mga Maghuhukom 11:3

Busa mibiya si Jefta kanila ug mipuyo sa Tob. Ug didto, adunay mga bugoy nga miduol kaniya ug nanguyog sa iyang mga lakaw.