Mga Maghuhukom 10:4 - Ang Pulong sa Dios

⁴ Adunay 30 siya ka mga anak ug ang matag-usa kanila adunay kaugalingong asno. Kini sila mao usab ang nagdumala sa 30 ka mga lungsod sa Gilead nga hangtod karon gitawag ug lungsod ni Jair.

Ang Biblia 2011

⁴ Siya adunay 30 ka anak nga lalaki nga nagsakay sa 30 ka nating asno, ug sila adunay 30 ka siyudad, nga gitawag ug Habot-jair hangtod niining adlawa, nga anaa sa yuta sa Gilead.

Maayong Balita Biblia

⁴ May 30 siya ka anak nga lalaki ug nagsakay sila sa 30 ka asno. May 30 usab ka siyudad sa Gilead nga ilang gipanag-iya nga ginganlag mga siyudad ni Jair.

Ang Bag-ong Maayong Balita Biblia

⁴ May 30 siya ka anak nga lalaki ug nagsakay sila sa 30 ka asno. May 30 usab ka siyudad sa Gilead nga ilang gipanag-iya nga ginganlag mga siyudad ni Jair.

Mga Maghuhukom 10:4 Cross References

2 Samuel 16:2

Gipangutana ni David si Ziba, “Nganong nagdala ka niana?” Mitubag si Ziba, “Ang mga asno alang sa imong pamilya aron ilang masakyan, ang mga pan ug mga prutas aron inyong kan-on sa imong mga kauban, ug ang bino aron inyong imnon kon kapuyon kamo sa kamingawan.”

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.

Numeros 32:41

Si Jair nga kaliwat usab ni Manases nakailog ug mga baryo sa Gilead ug ginganlan niya kinig “Mga Baryo ni Jair.”

Deuteronomio 3:14

Si Jair nga kaliwat ni Manases mao ang nakapanag-iya sa tibuok Argob nga sakop sa Basan hangtod sa utlanan sa yuta sa mga taga-Geshur ug sa mga taga-Maaca. Kini nga teritoryo ginganlan ni Jair sa iya mismong ngalan, busa hangtod karon ang Basan gitawag nga Mga Lungsod ni Jair.)

Mga Maghuhukom 10:3

Sunod kang Tola mao si Jair nga taga-Gilead. Nangulo siya sa Israel sulod sa 22 ka tuig.

Mga Maghuhukom 10:5

Sa dihang namatay si Jair, gilubong siya sa Kamon.

Mga Maghuhukom 12:14

Adunay 40 siya ka mga anak nga lalaki ug 30 ka mga apo nga lalaki, nga adunay tagsa ka asno nga masakyan. Walo ka tuig siyang nangulo sa Israel.

Mga Maghuhukom 5:10

“Kamong mga nagsakay sa puti nga mga asno ug naglingkod sa matahom nga mga lingkoranan niini, ug kamong mga naglakaw sa dalan, paminaw kamo!