Mga Hebreo 9:5 - Ang Pulong sa Dios

⁵ Didto sa ibabaw sa kahon adunay mga gitawag nga kerubin. Nagpaila kini nga atua didto ang Dios. Ang pako sa mga kerubin nagpandong ibabaw sa dapit diin ginapasaylo sa Dios ang mga sala sa mga tawo. Apan dili pa namo mapasabot kining tanan kaninyo karon.

Ang Biblia 2011

⁵ Ug sa ibabaw niini didto ang mga kerubin sa himaya, nga naglandong sa dapit diin ang sala mapasaylo. Mahitungod niining mga butanga, dili na kita karon makasulti sa tinagsa gayod.

Maayong Balita Biblia

⁵ Ibabaw sa Sudlanan sa Kasabotan didto ang mga binuhat o kerubin. Sila maoy timailhan sa presensya sa Dios. Gipandongan sa ilang mga pako ang dapit diin adto pasayloa ang mga sala. Apan niining bahina dili nato matagsatagsa pagsaysay ang tanan.

Ang Bag-ong Maayong Balita Biblia

⁵ Ibabaw sa Sudlanan sa Kasabotan didto ang mga binuhat o kerubin. Sila maoy timailhan sa presensya sa Dios. Gipandongan sa ilang mga pako ang dapit diin adto pasayloa ang mga sala. Apan niining bahina dili nato matagsatagsa pagsaysay ang tanan.

Mga Hebreo 9:5 Cross References

2 Mga Hari 19:15

Unya nag-ampo siya, “Ginoo, Dios sa Israel nga naglingkod sa trono taliwala sa mga kerubin, ikaw lang ang Dios nga nagdumala sa tanang gingharian dinhi sa kalibotan. Gihimo mo ang kalangitan ug ang kalibotan.

1 Cronicas 28:11

Unya gihatag ni David kang Solomon ang mga plano alang sa pagtukod sa Templo ug sa mga balkonahe niini, mga bilding, mga bodega, mga kuwarto sa ibabaw, mga kuwarto sa sulod, ug ang Labing Balaang Dapit diin ginapasaylo ang mga sala sa tawo.

Salmo 80:1

Pamatia kami, O Magbalantay sa Israel, nga gagiya sa mga kaliwat ni Jose nga daw panon sa mga karnero. Ikaw nga naglingkod sa imong trono sa taliwala sa mga kerubin, ipakita ang imong pagkahalangdon

Salmo 99:1

Naghari ang  Ginoo ug naglingkod siya sa iyang trono taliwala sa mga kerubin. Busa nangurog ang mga tawo ug natay-og ang kalibotan.

Levitico 16:13

Ibutang niya ang insenso diha sa kalayo didto sa presensya sa Ginoo, ug ang aso niini molukop sa tabon sa Sudlanan sa Kasugoan, aron dili siya mamatay.

Numeros 7:89

Kon mosulod si Moises sa Tolda nga Tagboanan sa pagpakigsulti sa Ginoo, madungog niya ang tingog nga nagsulti kaniya gikan sa taliwala sa duha ka kerubin, nga anaa ibabaw sa tabon sa Sudlanan sa Kasugoan. Didto makigsulti ang Ginoo kang Moises.

Roma 9:4

Daghan silag mga kaayohan nga nadawat isip mga Israelinhon. Giisip sila sa Dios nga iyang mga anak; gipakitaan sila sa Dios sa iyang masulaw nga presensya; naghimo ang Dios ug mga kasabotan ngadto kanila; gihatag kanila ang Kasugoan; gitudloan sila sa husto nga pagsimba kaniya; daghan ang iyang mga saad kanila;

Mga Taga-Efeso 3:10

aron pinaagi sa mga tumutuo ikapakita niya karon sa mga pangulo ug sa mga adunay gahom sa kalangitan kon unsa gayod ang iyang kaalam nga iyang gipadayag sa nagkalain-lain nga pamaagi.

Mga Hebreo 4:16

Busa dili kita magpanuko sa pagduol sa trono sa grasya sa Dios, aron madawat nato ang kaluoy ug tabang sa oras sa atong panginahanglan.

1 Pedro 1:12

Gipahibalo usab sila sa Dios nga ang ilang gipanulti dili alang sa ilang kaayohan kondili alang kanato. Ug karon ang ilang mga panagna nadungog na ninyo gikan sa mga nagsangyaw sa Maayong Balita. Nagsulti sila kaninyo pinaagi sa gahom sa Espiritu Santo nga gipadala kanila gikan sa langit. Ug bisan ang mga anghel gusto nga makasabot niining Maayong Balita nga gisulti kaninyo.

1 Samuel 4:4

Busa gipakuha nila gikan sa Silo ang Sudlanan sa Kasabotan sa Ginoo nga Makagagahom. Ang tabon niining Sudlanan adunay estatuwa sa duha ka kerubin, ug nagpuyo ang Ginoo taliwala niini. Miuban sa pagkuha sa Sudlanan sa Dios ang duha ka anak ni Eli nga si Hofni ug si Pinehas.