Mga Hebreo 7:22 - Ang Pulong sa Dios

²² Busa si Jesus ang kasigurohan sa mas maayo nga kasabotan sa Dios ngadto sa iyang katawhan.

Ang Biblia 2011

²² Kini naghimo kang Jesus nga usa ka pasalig sa labaw pa ka maayong kasabotan.

Maayong Balita Biblia

²² Busa si Jesus mao ang garantiya sa usa ka mas maayo nga kasabotan.

Ang Bag-ong Maayong Balita Biblia

²² Busa si Jesus mao ang garantiya sa usa ka mas maayo nga kasabotan.

Mga Hebreo 7:22 Cross References

Genesis 43:9

Igarantiya ko ang akong kinabuhi alang kang Benjamin. Ako ang manubag kon unsa unya ang mahitabo kaniya. Kon dili ko siya madala pagbalik kanimo nga buhi, akoy basola sa tibuok kong kinabuhi.

Genesis 44:32

Gigarantiya ko ang akong kinabuhi alang sa among kamanghoran. Giingnan ko ang akong amahan nga kon dili ko madala pagbalik kaniya ang iyang anak, ako ang iyang basolon sa tibuok kong kinabuhi.

Salmo 119:122

Pasaligi ako nga tabangan mo ako nga imong alagad; ayaw itugot nga daog-daogon ako sa mga mapahitas-on.

Mga Panultihon 20:16

Kon adunay tawo nga mosaad nga siyay mobayad kanimo sa utang sa tawo nga dili niya kaila, siguroha nga makakuha ka gikan kaniya ug garantiya, aron masiguro mo nga mobayad siya.

Mga Panultihon 6:1

Anak, kon moako ka nga mobayad sa utang sa ubang tawo,

Isaias 38:14

Nagpakitabang ako nga ang tingog daw langgam nga sayaw o talabon. Nag-agulo ako nga ang tingog daw salampati. Gikapoy ang akong mga mata sa paghangad sa langit. Ginoo, tabangi ako niini nga kalisod.

Daniel 9:27

Kadto nga hari maghimo ug lig-on nga kasabotan sa daghang katawhan sulod sa pito ka tuig. Apan paglabay sa tulo ka tuig ug tunga, pahunongon niya ang mga paghalad sa Templo ug ibutang niya ang salawayon nga butang nga nagdalag kalaglagan. Magpadayon kini hangtod nga moabot ang kataposan nga gitakda sa Dios kaniya.”

Mateo 26:28

tungod kay mao kini ang akong dugo nga iula aron mapasaylo ang mga sala sa daghang mga tawo. Kini nagpamatuod nga adunay bag-o na nga kasabotan ang Dios ngadto sa tawo.

Marcos 14:24

Miingon si Jesus, “Mao kini ang akong dugo nga iula alang sa daghang mga tawo. Kini nagpamatuod nga adunay bag-o na nga kasabotan ang Dios ngadto sa mga tawo.

Lucas 22:20

Pagkahuman, gikuha niya ang ilimnon ug miingon, “Kini nga ilimnon mao ang bag-o nga kasabotan nga palig-onon pinaagi sa akong dugo nga iula alang kaninyo.

1 Mga Taga-Corinto 11:25

Pagkahuman nila ug kaon sa pan, gikuha niya ang kopa nga adunay ilimnon ug gipasalamatan usab niya kini, ug miingon, “Kini nga ilimnon mao ang bag-ong kasabotan nga palig-onon pinaagi sa akong dugo. Buhata ninyo kini sa paghandom kanako.”

Mga Hebreo 12:24

Miduol kamo kang Jesus nga mao ang tigpataliwala diha sa bag-o nga kasabotan. Ang iyang dugo nga giula nagpamatuod nga gipasaylo na kita sa atong mga sala, ug mas maayo kini kaysa dugo ni Abel nga nangayo ug panimalos.

Mga Hebreo 13:20

Ug nag-ampo usab ako sa Dios alang kaninyo, sa Dios nga naghatag ug kalinaw. Siya ang nagbanhaw sa atong Ginoong Jesus, nga mao ang Makagagahom nga Magbalantay kanato ingon nga iyang mga karnero. Kay pinaagi sa iyang dugo gipalig-on niya ang walay kataposan nga kasabotan.

Mga Hebreo 7:23

Kaniadto daghan ang mga pari tungod kay kon adunay usa nga mamatay mapulihan dayon kini ug lain aron makapadayon ang buluhaton nilang mga pari.

Mga Hebreo 8:13

Ug tungod kay nag-ingon ang Dios nga adunay bag-o na nga kasabotan, klaro nga ang una nga kasabotan karaan na, ug ang karaan dili na magamit ug mahanaw lang.