Mga Hebreo 7:11 - Ang Pulong sa Dios

¹¹ Karon, nasayran nato nga sa dihang naghatag ang Dios sa Kasugoan ngadto sa mga Judio, adunay kalabotan niini ang pagkapari sa linya ni Levi. Kon mahimong matarong ang mga tawo pinaagi sa gibuhat sa mga pari, wala na unta kinahanglana ang lain pa nga pari sama sa pagkapari ni Melquisedek nga lahi sa pagkapari ni Aaron.

Ang Biblia 2011

¹¹ Karon kon ang kahingpitan nakab-ot pa pinaagi sa pagkapari nga ila ni Levi, kay ubos niini gidawat man sa mga tawo ang Balaod, nganong kinahanglan pa man ang pagpabarog sa laing pari sumala sa laray ni Melquisedek ug dili sumala sa laray ni Aaron?

Maayong Balita Biblia

¹¹ Ang Balaod gihatag ngadto sa katawhan sa Israel pinasikad sa pagkapari ni Levi. Kon hingpit pa ang buhat sa mga pari sa laray ni Levi, dili na unta kinahanglan nga motungha ang laing matang sa pagkapari sa laray ni Melquisedec ug dili sa laray ni Aaron.

Ang Bag-ong Maayong Balita Biblia

¹¹ Ang Balaod gihatag ngadto sa katawhan sa Israel pinasikad sa pagkapari ni Levi. Kon hingpit pa ang buhat sa mga pari sa laray ni Levi, dili na unta kinahanglan nga motungha ang laing matang sa pagkapari sa laray ni Melquisedec ug dili sa laray ni Aaron.

Mga Hebreo 7:11 Cross References

Mga Taga-Galacia 2:21

Wala ko gipakawalay pulos ang grasya sa Dios. Kay kon ang pagtuman sa Kasugoan mao ang pamaagi nga pakamatarungon sa Dios ang tawo, nan walay kapuslanan ang kamatayon ni Cristo.

Mga Taga-Galacia 4:3

Kita sama usab niana kaniadto sa wala pa kita masayod bahin sa pagtuo. Giulipon kita sa kalibotanon nga mga gawi.

Mga Taga-Galacia 4:9

Apan karon nga naila na ninyo ang Dios (o mas maayo siguro kon moingon ako, karon nga naila na kamo sa Dios ingon nga iyang mga anak), nganong gusto pa man ninyong mobalik sa mga tulomanon nga walay kapuslanan? Nganong gusto na usab ninyong magpaulipon niini?

Mga Hebreo 5:10

Ug gihimo siya sa Dios nga pangulong pari sama sa pagkapari ni Melquisedek.

Mga Hebreo 5:6

Ug nag-ingon usab siya sa ubang bahin sa Kasulatan, “Pari ikaw sa walay kataposan, sama sa pagkapari ni Melquisedek.”

Mga Hebreo 6:20

diin atua si Jesus nga gauna alang kanato. Siya ang atong walay kataposan nga pangulong pari sama sa pagkapari ni Melquisedek.

Mga Hebreo 7:10

kay sa paghatag ni Abraham sa iyang ikapulo ngadto kang Melquisedek, si Levi wala pa matawo ug anaa pa sa lawas ni Abraham.

Mga Hebreo 7:12

Apan kon ilisan ang pagkapari, kinahanglan nga ilisan usab ang Kasugoan.

Mga Hebreo 7:13

Ang atong Ginoong Jesus mao ang gitumong nga giilis sa daan nga mga pari. Dili siya kaliwat ni Levi kondili kaliwat ni Juda. Siya lang gayod ang nahimong pari nga kaliwat ni Juda. Kay sa pagsulti ni Moises kon kinsa kanila ang mahimong mga pari, wala gayod siya maghisgot mahitungod sa tribo ni Juda.

Mga Hebreo 7:15

Klaro gayod nga giilisan na ang mga pari nga kaliwat ni Levi, tungod kay aduna nay lain karon nga pari nga sama kang Melquisedek.

Mga Hebreo 7:21

Apan sa dihang gihimo sa Dios nga pari si Jesus nanumpa siya. Kay adunay nasulat sa Kasulatan nga nag-ingon: “Nanumpa ang Ginoo, pari ka sa walay kataposan. Ug dili gayod mausab ang iyang huna-huna.”

Mga Hebreo 8:7

Kon walay kulang ang una nga kasabotan dili na unta kini kinahanglan nga ilisan pa.

Mga Hebreo 9:6

Ingon niini ang hulagway didto sulod sa Tolda nga Pagsimbahan. Ug kada adlaw gayod mosulod ang mga pari didto sa unang kuwarto aron himuon ang ilang katungdanan.