Mga Hebreo 4:4 - Ang Pulong sa Dios

⁴ Dili ba nga mao kini ang giingon sa Kasulatan mahitungod sa ikapito nga adlaw: “Sa ikapito nga adlaw mipahulay ang Dios sa tanan niyang mga buhat.”

Ang Biblia 2011

⁴ Kay sa usa ka dapit siya nagsulti mahitungod sa ikapitong adlaw sa ingon niini, “Ug sa ikapitong adlaw ang Dios mipahulay gikan sa iyang tanang mga buhat.”

Maayong Balita Biblia

⁴ Kay diha sa Kasulatan gihisgotan ang ikapitong adlaw, “Mipahulay ang Dios gikan sa tanan niyang buhat sa ikapitong adlaw.”

Ang Bag-ong Maayong Balita Biblia

⁴ Kay diha sa Kasulatan gihisgotan ang ikapitong adlaw, “Mipahulay ang Dios gikan sa tanan niyang buhat sa ikapitong adlaw.”

Mga Hebreo 4:4 Cross References

Exodo 20:11

Kay sulod sa unom ka adlaw gimugna sa Ginoo ang langit, ang yuta, ang dagat, ug ang tanang anaa niini, apan mipahulay siya sa ikapitong adlaw. Busa gipanalanginan sa Ginoo ang Adlaw nga Igpapahulay ug gihimo kini nga pinasahi nga adlaw alang sa Ginoo.

Deuteronomio 5:14

apan ang ikapito nga adlaw, ang Adlaw nga Igpapahulay, inyong igahin alang kanako, ang Ginoo nga inyong Dios. Ayaw kamo pagtrabaho niining adlawa apil ang inyong mga anak, mga ulipon, mga baka, mga asno, ug uban pa ninyong kahayopan, o ang mga langyaw nga nagpuyo uban kaninyo. Ang inyong mga sulugoon kinahanglang mopahulay usab sama kaninyo.

Mga Hebreo 2:6

Tungod kay mao kini ang nasulat sa Kasulatan: “Unsa ba gayod ang tawo nga gihatagan mog pagtagad? Tawo lamang siya, nganong imo gayod siyang giatiman?

Mga Hebreo 4:10

Kay si bisan kinsa nga makadawat sa kapahulayan nga gikan sa Dios makapahulay na sa iyang mga buluhaton, sama nga ang Dios mipahulay human niya nabuhat ang tanan.