Mga Hebreo 10:2 - Ang Pulong sa Dios

² Kay kon napasaylo na sila pinaagi sa mga halad, wala na unta nila batia nga aduna silay sala pa, ug dili na kinahanglan nga maghalad pa sila.

Ang Biblia 2011

² Kon mao pa, dili ba gihunong na unta ang paghalad niini? Kon ang mga magsisimba nahinlo pa sa makausa ug sa dayon, wala na unta silay pagbati sa pagkaanaa pa sa ilang mga sala.

Maayong Balita Biblia

² Kon tinuod pang nahinloan sa ilang mga sala ang mga nagsimba sa Dios, dili na unta sila mobati nga sad-an gihapon ug wala na untay mga paghalad nga himoon.

Ang Bag-ong Maayong Balita Biblia

² Kon tinuod pang nahinloan sa ilang mga sala ang mga nagsimba sa Dios, dili na unta sila mobati nga sad-an gihapon ug wala na untay mga paghalad nga himoon.

Mga Hebreo 10:2 Cross References

Salmo 103:12

Gipahilayo niya ang atong mga sala gikan kanato, sama sa gilay-on sa sidlakan gikan sa kasadpan.

Isaias 43:25

“Ako mismo mao ang nagpala sa imong sala alang sa akong kadungganan, ug dili ko na kini hinumdoman pa.

Isaias 44:22

Wad-on ko na ang imong mga sala sama sa dag-om o gabon. Balik kanako, O Israel, kay luwason ko gayod ikaw.”

Miqueas 7:19

Kaloy-i kami pag-usab ug kuhaa ang among mga sala ug ayaw na kini hinumdomi pa.

Zacarias 9:11

Miingon pa ang  Ginoo, “Bahin kaninyo nga mga Israelinhon, tungod sa akong kasabotan kaninyo nga gipalig-on pinaagi sa dugo, hatagan ko ug kagawasan ang nangabihag nga gihulog sa atabay nga walay tubig.

Mga Hebreo 10:17

Ug midugang siya sa pag-ingon: “Dili ko na gayod hinumdoman ang ilang mga sala ug ang ilang daotang binuhatan.”

1 Pedro 2:19

Kay panalanginan kamo sa Dios kon maantos ninyo ang mga kasakit bisan ug wala kamoy sayop nga nahimo, tungod ug alang sa inyong pagtuman sa kabubut-on sa Dios.