Lucas 9:47 - Ang Pulong sa Dios

⁴⁷ Apan nahibalo si Jesus sa ilang gihuna-huna. Busa mikuha siya ug gamay nga bata ug gipatindog sa iyang tapad.

Ang Biblia 2011

⁴⁷ Apan si Jesus nga nakasabot sa hunahuna sa ilang mga kasingkasing, mikuha ug usa ka gamayng bata ug gibutang kini sa iyang tupad.

Maayong Balita Biblia

⁴⁷ Apan nahibalo si Jesus sa ilang gihunahuna busa mikuha siyag usa ka bata ug gipatindog sa iyang kiliran.

Ang Bag-ong Maayong Balita Biblia

⁴⁷ Apan nahibalo si Jesus sa ilang gihunahuna busa mikuha siyag usa ka bata ug gipatindog sa iyang kiliran.

Lucas 9:47 Cross References

Salmo 139:2

Nahibalo ka kon kanus-a ako molingkod o motindog. Bisan anaa ikaw sa halayo nasayod ka sa tanan kong gihuna-huna.

Salmo 139:23

Susiha ako, O Dios, aron mahibaloan mo kon unsay anaa sa akong kasing-kasing. Sulayi ako, aron mahibaloan mo kon unsay anaa sa akong huna-huna.

Jeremias 17:10

“Ako, ang  Ginoo, gasusi sa kasing-kasing ug huna-huna sa tawo. Ihatag ko sa matag-usa ang angay sa iyang batasan ug binuhatan.”

Mateo 12:15

Apan nahibaloan ni Jesus ang plano sa mga Pariseo busa mibiya siya niadto nga dapit. Daghan ang nagsunod kaniya ug giayo niya ang tanang mga masakiton.

Mateo 9:4

Nasayod si Jesus sa ilang gihuna-huna, busa miingon siya kanila, “Nganong naghuna-huna man kamog daotan?

Lucas 5:22

Nasayran ni Jesus ang ilang gihuna-huna, busa miingon siya kanila, “Nganong naghuna-huna man kamo ug ingon niana?

Juan 16:30

Karon sigurado na kami nga nahibalo ka sa tanan, kay bisan wala kami mangutana kanimo nahibalo ka nang daan sa among gihuna-huna. Busa nagtuo kami nga ikaw gikan gayod sa Dios.”

Juan 2:25

Dili na kinahanglan nga sultihan pa siya mahitungod sa mga tawo, kay nahibalo na siyang daan kon unsa gayod ang anaa sa sulod sa ilang kasing-kasing.

Juan 21:17

Sa ikatulong higayon miingon pag-usab si Jesus, “Simon nga anak ni Juan, gihigugma mo ba ako?” Nahiubos si Pedro tungod kay katulo na siya pangutan-a ni Jesus kon gihigugma ba niya siya. Busa miingon si Pedro kaniya, “Ginoo, nahibalo ka sa tanan, ug nahibalo ka nga gihigugma ka nako.” Miingon si Jesus kaniya, “Atimana ang akong mga karnero.

1 Mga Taga-Corinto 14:20

Mga igsoon, kon mahitungod niining mga butanga, dili ko gusto nga sama kamo sa bata kon maghuna-huna. Pagpakasama kamo kainosente sa bata kon daotan maoy hisgotan. Apan kon sa paggamit sa inyong panghuna-huna, pagpakahingkod kamo.

Mga Hebreo 4:13

Walay makatago gikan sa Dios; ang tanan makita niya ug dayag gayod sa iyang panan-aw, ug kaniya kita mohatag ug husay sa atong mga binuhatan.

Gipadayag 2:23

Pamatyon ko ang iyang mga sumusunod, aron masayran sa tanang mga tumutuo nga nasayod ako sa mga huna-huna ug mga pangandoy sa mga tawo. Balosan ko ang matag-usa kaninyo sumala sa inyong mga binuhatan.