Lucas 6:48 - Ang Pulong sa Dios

⁴⁸ Sama siya sa usa ka tawo nga nagkalot ug lawom ug nagtukod ug balay diha sa pundasyon nga bato. Mibaha ang suba, miawas ang tubig ug midasmag sa maong balay, apan wala matarog ang balay tungod kay lig-on ang iyang pundasyon.

Ang Biblia 2011

⁴⁸ Sama siya sa usa ka tawo nga nagtukod ug balay, nga nagkalot ug lawom ug nagpahiluna sa patukoranan sa ibabaw sa bato. Ug sa pag-abot sa baha, kini midasmag niadtong balaya, apan wala makatay-og niini kay kini maayo man nga pagkatukod.

Maayong Balita Biblia

⁴⁸ Sama siya sa tawo nga nagtukod ug balay. Nagkalot siyag lawom ug gipahiluna niya ang sukaranan diha sa ibabaw sa bato. Sa dihang mibaha ang suba ug mihasmag niining balaya, wala kini matay-og kay maayo man nga pagkatukod.

Ang Bag-ong Maayong Balita Biblia

⁴⁸ Sama siya sa tawo nga nagtukod ug balay. Nagkalot siyag lawom ug gipahiluna niya ang sukaranan diha sa ibabaw sa bato. Sa dihang mibaha ang suba ug mihasmag niining balaya, wala kini matay-og kay maayo man nga pagkatukod.

Lucas 6:48 Cross References

2 Samuel 22:2

Mao kini ang iyang awit: “Ang Ginoo ang akong salipdanan nga bato, ang akong lig-ong tago-anan ug manluluwas. Ingon nga salipdanan nga bato, makatago ako kanimo. Siya ang akong taming ug gamhanan nga manluluwas. Ang Ginoo ang akong dalangpanan ug tago-anan. ang nagluwas kanako gikan sa bangis nga mga tawo.

2 Samuel 22:32

Kay kinsa man ang Dios gawas sa Ginoo? Ug kinsa man ang among salipdanan nga bato gawas sa among Dios?

2 Samuel 22:47

Buhi ka, Ginoo! Dalaygon ka nga akong salipdanan nga Bato! Gibayaw ka nako tungod kay ikaw ang Dios nga akong Manluluwas.

2 Samuel 22:5

Ang kamatayon daw balod nga mikuso-kuso kanako. Ang kalaglagan daw sulog sa baha nga mianod kanako.

2 Samuel 23:3

Miingon kanako ang Dios, ang salipdanan nga Bato sa Israel: ‘Ang tawong nagdumala nga matarong ug adunay kahadlok sa Dios,

Salmo 32:6

Busa ang tanang matinud-anon kanimo angayng mag-ampo sa panahon sa kalisod aron dili sila maunsa, labi na kon moabot kini nga daw usa ka baha.

Salmo 62:2

Siya lang ang akong salipdanan nga bato ug manluluwas. Siya ang akong dalangpanan, busa dili gayod ako malaglag.

Salmo 95:1

Dali! Mag-awit kita sa kalipay. Manghugyaw kita alang sa Ginoo nga atong salipdanan nga Bato ug manluluwas.

Mga Panultihon 10:25

Kon moabot sa kinabuhi ang pagsulay nga daw sa bagyo, mapukan ang tawong daotan, apan ang tawong matarong pabiling magbarog nga lig-on.

Isaias 26:4

Salig kamo kanunay sa Ginoo kay ang  Ginoo mao ang atong walay kataposan nga Bato.

Isaias 28:16

Busa mao kini ang giingon sa Ginoong Dios: “Pamati! Magbutang akog bato nga patukoranan sa Zion: usa ka bato nga kasaligan, lig-on ug bililhon. Ang motuo kaniya dili gayod mapakyas.

Isaias 59:19

Bisan asa tahoron ug pasidunggan siya sa mga tawo, kay moabot siya sama sa naghaguros nga tubig nga gihuyop sa makusog nga hangin sa Ginoo.

Nahum 1:8

Apan uban sa dili mapiog nga baha iyang taposon ang Nineve; iyang gukdon ang iyang mga kontra ngadto sa gingharian sa kangitngit.

Lucas 6:47

Ipakita ko kaninyo kon unsa ang tawo nga nagduol kanako, nagpaminaw ug nagtuman sa akong gisulti.

Lucas 6:49

Apan ang tawo nga naminaw sa akong gisulti ug wala motuman niini, nahisama sa tawo nga nagtukod ug balay nga walay lig-on nga pundasyon. Pagbaha sa suba, midasmag ang tubig sa balay. Natumba kini ug nabungkag.”

Juan 16:33

“Gisulti ko kining mga butanga kaninyo aron aduna kamoy kalinaw tungod sa inyong pagtuo kanako. Paantuson kamo sa mga tawo sa kalibotan, apan ayaw kamo kahadlok tungod kay gidaog ko na ang gahom sa kalibotan.”

Mga Buhat 14:22

Gipalig-on nila ang mga magtutuo ug gidasig nga magpadayon gayod sa ilang pagtuo. Miingon usab sila sa mga magtutuo, “Daghang kalisdanan ang atong kinahanglan maagian sa pagsulod sa gingharian sa Dios.”

Mga Taga-Efeso 2:20

nga gitukod sa pundasyon nga gipahimutang sa mga apostoles ug mga propeta ug kung diin si Cristo Jesus mao ang bato nga patukoranan.

Deuteronomio 32:15

“Nagmauswagon ang mga Israelinhon apan nagrebelde sila. Nanambok sila ug milig-on, apan gitalikdan nila ang Dios nga nagbuhat kanila, ug gisalikway nila ang ilang Bato nga salipdanan nga mao ang ilang Manluluwas.

Deuteronomio 32:18

Gikalimtan nila ang Dios nga ilang Bato nga salipdanan nga nagbuhat kanila.

Deuteronomio 32:31

Kay ang salipdanan nga bato sa atong mga kaaway dili sama sa atong salipdanan nga bato, ug bisan sila nakahibalo niini.

2 Timoteo 2:19

Apan bisan pa niana, lig-on gihapon ang patukoranan nga gipahimutang sa Dios, tungod kay adunay nasulat nga nag-ingon, “Nailhan sa Ginoo ang iyang katawhan.” Ug “Ang matag-usa nga nag-ingon nga siya iya sa Ginoo angay gayod nga mobiya sa bisan unsa nga daotan.”

2 Pedro 1:10

Busa mga igsoon ko kang Cristo, paningkamoti gayod nga masiguro ninyo nga kamo tinuod nga mga tinawag ug mga pinili sa Dios. Kay kon buhaton ninyo kining mga butanga dili gayod kamo mapukan,

1 Juan 2:28

Mga anak, pabilin kamo kaniya, aron dili kita mahadlok o magtago tungod sa kaulaw kon moabot na siya.

Judas 1:24

Ang Dios makahimo sa pagbantay kaninyo aron dili kamo mahulog sa pagpakasala, ug madala niya kamo nga walay ikasaway ug malipayon gayod ngadto sa iyang presensya!

1 Samuel 2:2

Wala gayoy balaan nga sama sa Ginoo. Wala gayoy sama kaniya. Wala gayoy salipdanan nga bato nga sama sa atong Dios.