Lucas 21:25 - Ang Pulong sa Dios

²⁵ “Mahitabo usab nga adunay mga timailhan nga makita sa adlaw, sa bulan, ug sa mga bitoon. Dinhi sa kalibotan makuyawan ang mga nasod tungod sa dahunog sa dagkong mga balod.

Ang Biblia 2011

²⁵ “Ug aduna unyay mga ilhanan diha sa adlaw ug sa bulan ug sa kabituonan, ug diha sa yuta adunay kagul-anan ang kanasoran, maglibog tungod sa dinahunog sa dagat ug sa mga balod.

Maayong Balita Biblia

²⁵ “Aduna unyay mga ilhanan diha sa adlaw ug sa bulan ug sa kabituonan. Kawad-an sa paglaom ang mga nasod ug mangalisang sila sa dinahunog sa mga dagkong balod sa dagat.

Ang Bag-ong Maayong Balita Biblia

²⁵ “Aduna unyay mga ilhanan diha sa adlaw ug sa bulan ug sa kabituonan. Kawad-an sa paglaom ang mga nasod ug mangalisang sila sa dinahunog sa mga dagkong balod sa dagat.

Lucas 21:25 Cross References

Salmo 46:3

o bisan pa kon magdahunog ug grabe kakusog ang mga balod sa dagat, ug mauyog ang mga bukid tungod niini.

Isaias 13:10

Dili na mohatag sa ilang kahayag ang mga bitoon. Mosubang ang adlaw nga walay kahayag ug ang bulan dili usab mohatag ug kahayag.

Isaias 17:12

Ang kabanha sa daghang mga nasod sama sa haguros sa dagkong mga balod.

Isaias 24:23

Modulom ang adlaw ug bulan kay maghari ang  Ginoo nga Makagagahom sa Bukid sa Zion, sa Jerusalem. Ug didto mapadayag ang iyang gahom atubangan sa mga pangulo sa katawhan.

Isaias 5:30

Sa panahon nga mosulong sila sa Israel, maghaganas sila sama sa haganas sa dagat. Ug kon motan-aw ang usa ka tawo sa yuta sa Israel, ang makita niya mao ang kangitngit ug kasakit. Ang kahayag tabonan sa mabagang mga panganod.

Isaias 51:15

Kay ako, ang  Ginoo nga inyong Dios, ang nagkutaw sa dagat aron modahunog ang mga balod. Makagagahom nga Ginoo ang akong ngalan.

Jeremias 4:23

Nakita ko ang kalibotan. Hawan kini ug walay porma. Nakita ko usab ang kalangitan ug wala kini kahayag.

Daniel 12:1

“Nianang panahona, motungha si Micael, ang gamhanan nga pangulo sa katawhan sa Israel, ug mahimong labihan kalisod ang kahimtang sa katawhan. Kini nga kalisod wala pa gayod mahitabo sukad sa panahon nga ang Israel nahimong usa ka nasod. Apan maluwas gikan niana nga kalisod ang imong mga isigka-Israelinhon kansang mga ngalan nasulat sa libro.

Miqueas 7:4

Ang labing matarong kanila sama sa tunokong mga sagbot nga walay kapuslanan. Miabot na ang panahon nga silotan sa Dios kining mga tawhana sama sa iyang gipahimangno kanila pinaagi sa mga tigbantay nga propeta. Busa karon magkaguliyang sila.

Mateo 24:29

“Pagkahuman sa mga kasakitan nianang panahona, “ ‘mawad-an ug kahayag ang adlaw, ang bulan dili na modan-ag, ug ang mga bitoon mangahulog. Ang mga butang sa kalangitan pahisalaagon gikan sa ilang naandan nga agianan.’

Mateo 27:45

Gikan sa alas dose sa udto, mingitngit ang kalibotan sulod sa tulo ka oras.

Marcos 13:24

“Pagkahuman sa mga kasakitan nianang panahona, “ ‘mawad-an ug kahayag ang adlaw, ang bulan dili na modan-ag,

Marcos 13:26

“Unya makita ang Anak sa Tawo diha sa mga panganod nga moanhi uban sa dakong gahom ug himaya.

Marcos 15:33

Sa dihang miabot ang alas dose sa udto, mingitngit ang kalibotan hangtod alas tres.

Lucas 21:24

Ang uban kanila mangamatay sa gira, ug ang uban bihagon ug dad-on ngadto sa uban nga mga nasod. Ug kining siyudad sa Jerusalem pukanon ug dumalahon sa mga dili Judio hangtod matapos ang gitagal sa Dios.

Lucas 21:26

Makuyapan ang mga tawo sa kahadlok kon unsa ang mahitabo niining kalibotan. Tungod kay ang mga bitoon ug ang uban nga atua sa kalangitan pahisalaagon gikan sa ilang naandan nga agianan.

Mga Buhat 2:19

Magpakita akog mga kahibulongan nga mga butang diha sa langit ug mga sinyales diha sa yuta: naa unyay dugo, kalayo, ug mabagang mga aso.

Gipadayag 20:11

Unya aduna akoy nakita nga dakong trono nga puti, ug adunay naglingkod didto. Giwala niya ang langit ug ang yuta, ug dili na kini makita pag-usab.