Lucas 21:22 - Ang Pulong sa Dios

²² Kay nianang mga adlawa silotan sa Dios ang Jerusalem aron sa pagtuman sa giingon sa Kasulatan.

Ang Biblia 2011

²² Kay kini mao ang mga adlaw sa panimalos aron matuman ang tanang nasulat.

Maayong Balita Biblia

²² Kay mao kini ‘Ang mga Adlaw sa Pagsilot’ aron pagtuman sa tanan nga giingon sa Kasulatan.

Ang Bag-ong Maayong Balita Biblia

²² Kay mao kini ‘Ang mga Adlaw sa Pagsilot’ aron pagtuman sa tanan nga giingon sa Kasulatan.

Lucas 21:22 Cross References

Isaias 34:8

Kay adunay gitagana nga panahon ang  Ginoo alang sa pagpanimalos sa iyang mga kaaway tungod sa gibuhat niini ngadto sa Zion.

Isaias 61:2

Gipadala usab niya ako aron sa pagmantala nga miabot na ang panahon nga luwason sa Ginoo ang iyang katawhan, ug silotan ang ilang mga kaaway. Gipadala usab niya ako aron sa paglipay sa mga nagsubo sa Jerusalem, aron imbis nga abo ang ibutang nila sa ilang ulo sa pagpaila nga nagsubo sila, korona nga bulak ang ilang ibutang, ug haplasan nilag lana ang ilang ulo sa pagpaila nga malipayon sila. Imbis nga maguol, magdayeg sila. Mahisama sila sa lig-on nga kahoyng terebinto nga gitanom sa Ginoo. Tawgon silang mga matarong alang sa kadungganan sa Ginoo.

Isaias 63:4

Kay miabot na ang adlaw nga panimaslan ko ang akong mga kaaway ug luwason ko ang akong katawhan.

Jeremias 51:6

“Biya kamo gikan sa Babilonia! Luwasa ninyo ang inyong kaugalingon! Ayaw pagtugot nga malaglag kamo tungod sa sala sa Babilonia. Kay panahon na nga balosan nako siya sumala sa iyang gibuhat.

Oseas 9:7

Mga taga-Israel, miabot na ang higayon nga silotan kamo, ang higayon nga singlon kamo sa inyong gipanghimo. Ug mahibaloan gayod ninyo nga miabot na kini. Nag-ingon kamo, ‘Kana nga propeta buang-buang! Kanang tawhana nga gigamhan sa espiritu, buang!’ Mao kana ang inyong giingon bahin kanako tungod kay daghan na kaayo ang inyong sala ug nasuko kamo pag-ayo kanako.

Malaquias 4:1

Miingon ang  Ginoo nga Makagagahom, “Siguro gayod nga moabot ang adlaw nga mosilot ako. Mahisama kini sa nagdilaab nga hurnohan. Silotan ko ang tanang mga mapahitas-on ug naghimog daotan. Sunogon ko sila sama sa pagsunog sa dagami. Mahisama sila sa sinunog nga kahoy nga wala gayoy mahibilin nga gamot ug sanga.

Mateo 1:22

Nahitabo kini aron matuman ang giingon sa Ginoo pinaagi sa propeta nga nag-ingon,

Roma 2:5

Apan tungod kay gahi kag ulo ug dili ka maghinulsol, gidugangan mo ang imong silot sa pag-abot sa adlaw nga ang Dios maghukom. Nianang adlawa makita sa tanan nga matarong ang iyang paghukom.

Deuteronomio 32:34

“Nakahibalo ang Ginoo sa ilang kadaotan, gipugngan lang una niya kini ug naghulat sa husto nga panahon sa pagsilot kanila.

Deuteronomio 32:43

Dayega ninyo ang katawhan sa Ginoo, O mga nasod, kay panimaslan sa Ginoo ang nagpatay niining iyang mga alagad. Panimaslan niya ang iyang mga kaaway, ug hinloan niya ang iyang yuta ug ang iyang katawhan.

2 Pedro 2:9

Dinhi makita nato nga ang Ginoo makahimo pagluwas sa mga diosnon kon moabot kanila ang mga pagsulay, ug pagsilot sa mga daotan hangtod sa adlaw sa paghukom,

2 Pedro 3:7

Pinaagi usab sa pulong sa Dios, ang langit ug ang yuta nga atong makita karon gitagana na nga sunogon sa adlaw nga ang daotang mga tawo hukman ug laglagon.