Lucas 21:21 - Ang Pulong sa Dios

²¹ Busa ang mga tawo sa Judea kinahanglan mokalagiw ngadto sa kabukiran. Papahawaa ang anaa sa siyudad sa Jerusalem, ug kadtong atua sa uma ayaw na paadtoa sa Jerusalem.

Ang Biblia 2011

²¹ Unya sila nga anaa sa Judea, paadtoa ninyo sa kabukiran, ug sila nga anaa sa sulod sa siyudad, papahawaa sila, ug sila nga atua sa gawas sa siyudad, ayaw na pasudla.

Maayong Balita Biblia

²¹ Unya ang mga nagpuyo sa Judea kinahanglang managan ngadto sa kabungtoran ug kadtong atua sa siyudad kinahanglang mamahawa usab ug ang mga nagpuyo sa kaumahan kinahanglang dili moadto sa siyudad.

Ang Bag-ong Maayong Balita Biblia

²¹ Unya ang mga nagpuyo sa Judea kinahanglang managan ngadto sa kabungtoran ug kadtong atua sa siyudad kinahanglang mamahawa usab ug ang mga nagpuyo sa kaumahan kinahanglang dili moadto sa siyudad.

Lucas 21:21 Cross References

Genesis 19:17

Sa dihang didto na sila sa gawas, miingon ang usa kanila, “Panagan kamo! Ayaw gayod kamo paglingi o paghunong sa bisan asa nga bahin niining kapatagan. Panagan kamo sa bukid aron dili kamo mamatay.”

Genesis 19:26

Milingi ang asawa ni Lot, ug nahimo siyang haligi nga asin.

Mga Panultihon 22:3

Ang maalamon nga tawo molikay sa kakuyaw, apan ang walay alamag magpaduol hinuon niini, mao nga mag-antos siya.

Jeremias 35:11

Apan sa dihang gisulong ni Nebucadnezar nga hari sa Babilonia kini nga nasod, nahadlok kami sa mga sundalo sa Babilonia ug sa Aram, busa nagdesisyon kami nga moanhi sa Jerusalem ug mao kana ang hinungdan nga ania kami dinhi magpuyo.”

Jeremias 37:12

mibiya usab si Jeremias sa Jerusalem ug miadto sa yuta sa Benjamin sa pagkuha sa iyang bahin sa yuta sa iyang pamilya.

Jeremias 6:1

“Palayo kamo ug panago mga kaliwat ni Benjamin! Biya kamo sa Jerusalem! Patingoga ang budyong sa Tekoa ug paghatag ug sinyas didto sa Bet Hakerem. Kay moabot ang grabing kadaot gikan sa amihan.

Numeros 16:26

Dayon giingnan niya ang katilingban, “Palayo kamo sa mga tolda niining daotang mga tawo! Ayaw kamo paghikap sa bisan unsa nga ilang gipanag-iyahan, kay kon himuon ninyo kini laglagon kamo uban kanila tungod sa tanan nilang sala.”

Mateo 2:1

Natawo si Jesus sa Betlehem nga sakop sa Judea sa panahon nga si Herodes mao ang hari. Adunay miabot nga mga tawong maalamon sa Jerusalem gikan sa sidlakan.

Mateo 24:16

kamo nga anaa sa Judea kinahanglan mokalagiw ngadto sa kabukiran.

Marcos 13:15

Ang tawo nga anaa sa gawas sa iyang balay dili na mosulod aron sa pagkuha sa bisan unsa.

Gipadayag 18:4

Ug aduna akoy nadungog nga lain na usab nga tingog gikan sa langit nga nag-ingon: “Kamo nga akong katawhan, gawas kamo gikan nianang siyudad, aron dili kamo makasunod sa iyang daotang buhat, ug aron dili kamo malakip sa silot nga alang kaniya.