Lucas 19:47 - Ang Pulong sa Dios

⁴⁷ Sukad niadto, nagtudlo na siya sa templo adlaw-adlaw. Ang kadagkoan sa mga pari, ang mga magtutudlo sa Kasugoan, ug ang mga opisyal sa lungsod nagtinguha sa pagpatay kaniya,

Ang Biblia 2011

⁴⁷ Ug siya nagtudlo matag adlaw sulod sa Templo, ug ang mga pangulong pari ug mga eskriba ug ang kadagkoan sa mga katawhan naninguha sa pagpatay kaniya,

Maayong Balita Biblia

⁴⁷ Matag adlaw nagtudlo si Jesus didto sa templo. Ang mga kadagkoan sa mga pari, ang mga magtutudlo sa Balaod ug ang mga pangulo sa mga tawo buot untang mopatay kaniya

Ang Bag-ong Maayong Balita Biblia

⁴⁷ Matag adlaw nagtudlo si Jesus didto sa templo. Ang mga kadagkoan sa mga pari, ang mga magtutudlo sa Balaod ug ang mga pangulo sa mga tawo buot untang mopatay kaniya

Lucas 19:47 Cross References

Mateo 21:23

Misulod pag-usab si Jesus sa templo ug nagtudlo sa mga tawo. Didto adunay kadagkoan sa mga pari ug mga pangulo sa mga Judio nga miduol kaniya ug nangutana, “Unsa ba ang imong katungod sa pagbuhat niining mga butanga dinhi sa templo? Kinsa ba ang naghatag kanimo niini nga katungod?”

Mateo 26:55

Unya miingon si Jesus sa mga tawo, “Tulisan ba ako nga kinahanglan gayod nga magdala pa kamog mga espada ug mga bunal sa pagdakop kanako? Adlaw-adlaw didto ako sa templo nga nagtudlo, apan wala ninyo ako dakpa.

Marcos 11:18

Kadtong gihimo ni Jesus nadungog sa kadagkoan sa mga pari ug sa mga magtutudlo sa Kasugoan. Busa nangita sila ug pamaagi aron patyon siya. Apan nahadlok sila kaniya kay nahibulong gayod ang mga tawo sa iyang gipanudlo.

Marcos 12:12

Nasabtan sa kadagkoan sa mga Judio nga sila gayod ang gitumong niadtong sambingay. Buot unta nilang dakpon si Jesus, apan nahadlok sila sa mga tawo. Busa gipasagdan na lang nila siya, ug nanglakaw sila.

Marcos 14:1

Duha na lang ka adlaw ug moabot na ang mga pista sa mga Judio nga gitawag ug Pista sa Paglabay sa Anghel ug Pista sa Pan nga Walay Patubo. Ang mga kadagkoan sa mga pari ug ang mga magtutudlo sa Kasugoan nagplano nga patyon si Jesus. Busa nangita silag pamaagi kon unsaon nila pagdakop si Jesus nga dili masayran sa mga tawo.

Marcos 14:49

Adlaw-adlaw didto ako sa templo nga nagtudlo ug didto usab kamo apan wala ninyo ako dakpa. Apan kinahanglan nga mahitabo kini aron matuman ang mga nasulat sa Kasulatan mahitungod kanako.”

Lucas 19:48

apan wala sila makahigayon sa paghimo niini tungod kay nawili ang mga tawo sa pagpaminaw sa iyang mga pagpanudlo.

Lucas 20:19

Niadtong higayona dakpon na unta siya sa mga magtutudlo sa Kasugoan ug sa kadagkoan sa mga pari, kay nahibaloan nila nga sila gayod ang iyang gitumong sa iyang sambingay. Apan nahadlok sila sa mga tawo.

Juan 10:39

Nagtinguha sila pag-usab sa pagdakop kang Jesus, apan nakalikay siya kanila.

Juan 18:20

Mitubag si Jesus, “Dili tago ang akong pagpanudlo sa mga tawo. Kay ako nagtudlo diha gayod sa mga sinagoga ug sa templo diin nagtigom ang tanang mga Judio. Wala akoy gitudlo sa tago.

Juan 7:19

Dili ba gihatag man ni Moises kaninyo ang Kasugoan? Apan wala gayoy bisan usa kaninyo nga nagtuman niini, tungod kay kon nagtuman pa kamo, nganong gusto man ninyo akong patyon?”

Juan 7:44

Ang uban kanila gustong modakop kaniya, apan walay nakaako paghimo niini.