Lucas 17:28 - Ang Pulong sa Dios

²⁸ “Ang himuon sa mga tawo sama usab sa gihimo sa mga tawo sa panahon ni Lot. Ang mga tawo kaniadto nagsige lang ug kaon, inom, pamalit, pamaligya, pananom, ug nagsige lang ug patukod ug mga balay.

Ang Biblia 2011

²⁸ Ingon usab sa nahitabo kaniadto sa mga adlaw ni Lot, sila nangaon, nanginom, namalit, namaligya, nananom, nagtukod ug mga balay,

Maayong Balita Biblia

²⁸ Mahisama usab kini sa panahon ni Lot. Ang tanan nagpadayon pagpangaon ug pagpanginom, pagpamalit ug pagpamaligya, pagpananom ug pagpamuhat ug balay.

Ang Bag-ong Maayong Balita Biblia

²⁸ Mahisama usab kini sa panahon ni Lot. Ang tanan nagpadayon pagpangaon ug pagpanginom, pagpamalit ug pagpamaligya, pagpananom ug pagpamuhat ug balay.

Lucas 17:28 Cross References

Genesis 13:13

Ang mga tawo sa Sodoma labihan gayod kadaotan ug makasasala atubangan sa Ginoo.

Jeremias 50:40

Sama nga gilaglag ko ang Sodoma ug Gomora, ug ang mga lungsod sa palibot niini, laglagon ko usab ang Babilonia. Wala na gayoy magpuyo didto,” miingon ang Ginoo.

Mateo 21:12

Misulod si Jesus sa templo ug giabog niya ang tanan nga namalit ug namaligya didto. Gipangtikwang niya ang mga lamisa sa mga nag-ilis ug kuwarta ug ang mga lingkoranan sa mga namaligya ug mga salampati nga ighahalad.

Lucas 17:27

Sa panahon ni Noe, walay laing gihuna-huna ang mga tawo kondili ang maglipay: nagsige lang ug kaon, inom, ug nagminyoanay hangtod nga miabot ang adlaw nga misulod si Noe sa arka. Unya milunop ug nalumos silang tanan.

Lucas 17:29

Apan sa adlaw nga nakagawas na si Lot sa Sodoma, miulan didto ug kalayo ug asupre. Ug nangamatay silang tanan.