Lucas 12:58 - Ang Pulong sa Dios

⁵⁸ Kon adunay mopasaka ug kaso batok kanimo, tinguhaa gayod nga makighusay dayon kaniya sa dili pa kamo maghusay sa korte. Kay basin ug pugson ka gayod niya pagdala ngadto sa huwes ug ang huwes motugyan kanimo ngadto sa pulis aron prisohon ka.

Ang Biblia 2011

⁵⁸ Samtang nakigkuyog ikaw sa imong magsusumbong padulong sa atubangan sa pangulo, paningkamoti ang pagpakighusay kaniya diha sa dalan kay tingali unya ug dad-on ka niya ngadto sa maghuhukom, ug ang maghuhukom magtugyan kanimo ngadto sa tinugyanan ug ang tinugyanan magbanlod kanimo sa bilanggoan.

Maayong Balita Biblia

⁵⁸ Kon may mokiha kanimo, paningkamot sa pagpakig-uli kaniya samtang anaa pa kamo sa dalan aron dili ka niya dad-on ngadto sa maghuhukom ug itugyan ka niya ngadto sa polis ug ibalhog ka niya ngadto sa bilanggoan.

Ang Bag-ong Maayong Balita Biblia

⁵⁸ Kon may mokiha kanimo, paningkamot sa pagpakig-uli kaniya samtang anaa pa kamo sa dalan aron dili ka niya dad-on ngadto sa maghuhukom ug itugyan ka niya ngadto sa polis ug ibalhog ka niya ngadto sa bilanggoan.

Lucas 12:58 Cross References

Job 22:21

“Job, pagpasakop sa Dios ug pakighusay kaniya aron panalanginan ka niya.

Job 23:7

Ang tawong matarong nga sama kanako makapangatarongan atubangan sa Dios nga akong Maghuhukom, ug mopabor siya kanako.

Salmo 32:6

Busa ang tanang matinud-anon kanimo angayng mag-ampo sa panahon sa kalisod aron dili sila maunsa, labi na kon moabot kini nga daw usa ka baha.

Salmo 50:22

“Pamatia ninyo kini, kamo nga nalimot sa Dios, kay kon dili, laglagon ko kamo ug walay makaluwas kaninyo.

Isaias 55:6

Dangop kamo sa Ginoo ug tawag kamo kaniya samtang anaa pa siya nga motabang kaninyo.

Mateo 18:30

“Apan wala gayod siya mosugot. Gipapriso hinuon niya kadto nga sulugoon hangtod nga kini makabayad.

2 Mga Taga-Corinto 6:2

Kay nag-ingon ang Dios, “Sa husto nga panahon gipatalinghogan ka nako, ug sa panahon sa kaluwasan gitabangan ka nako.” Busa paminaw kamo! Karon gayod ang husto nga panahon nga luwason kita sa Dios.

1 Pedro 3:19

Ug sa iyang espirituhanong kahimtang, miadto siya bisan sa mga pinirisong espiritu sa mga tawo nga wala magsunod sa Dios sa panahon ni Noe. Kaniadto mapailubon ang Dios nga naghulat kanila nga motuo sila kaniya samtang gibuhat ni Noe ang arka. Apan walo lang gayod ka tawo ang nagtuo ug nakasulod sa arka ug naluwas sa tubig.

2 Pedro 1:15

Busa paningkamotan ko nga bisan kon wala na ako, mahinumdoman pa gihapon ninyo kining akong gitudlo.

Judas 1:3

Mga hinigugma, gusto ko gayod unta nga magsulat kaninyo bahin sa kaluwasan nga atong giambitan, apan nahuna-hunaan ko nga mas kinahanglan gayod nga sulatan ko kamo ug nag-awhag nga magmaisogon sa pagpakigbatok sa mga tawo nga buot motuis sa mga pagtulon-an mahitungod sa atong pagtuo. Kini nga mga pagtulon-an walay pagkausab ug gihatag kini sa Dios sa mga tawo nga iyang gigahin.

Gipadayag 20:7

Human sa 1,000 ka tuig, buhian si Satanas gikan sa gibilanggoan kaniya.