Lucas 11:48 - Ang Pulong sa Dios

⁴⁸ Busa kamo mismo nagpamatuod ug miuyon sa ilang mga gibuhat. Kay sila ang nagpatay sa mga propeta ug kamo ang nagpahimo sa ilang mga lubnganan.

Ang Biblia 2011

⁴⁸ Busa kamo diay mga saksi niini ug miuyon sa mga binuhatan sa inyong katigulangan, kay ilang gipatay ang mga propeta ug kamo nagbuhat sa ilang mga pantiyon.

Maayong Balita Biblia

⁴⁸ Sa ingon niini kamo mismo miangkon nga kamo miuyon sa gibuhat sa inyong mga katigulangan kay sila maoy nagpatay sa mga propeta ug kamo ang nagbuhat sa ilang mga lubnganan.

Ang Bag-ong Maayong Balita Biblia

⁴⁸ Sa ingon niini kamo mismo miangkon nga kamo miuyon sa gibuhat sa inyong mga katigulangan kay sila maoy nagpatay sa mga propeta ug kamo ang nagbuhat sa ilang mga lubnganan.

Lucas 11:48 Cross References

2 Cronicas 36:16

Apan gibugal-bugalan nila ang mga propeta sa Dios, gitamay, ug gisalikway ang ilang mga mensahe hangtod nga nasuko ang Ginoo kanila, ug wala nay makapugong niini.

Job 15:6

Dili na kinahanglan nga hukman ko pa ikaw. Ang imo mismong gipanulti ang nagsaksi batok kanimo.

Salmo 64:8

Laglagon sila sa Dios tungod sa ilang gipanulti. Ang tanang makakita kanila magpanglingo.

Ezequiel 18:19

“Apan basig mangutana kamo, ‘Nganong dili man angay nga silotan ang anak tungod sa sala sa iyang amahan?’ Kon ang anak nagbuhat sa matarong ug husto, ug ginasunod niya pag-ayo ang akong mga tulomanon, padayon siyang mabuhi.

Mateo 23:27

“Alaot kamong mga magtutudlo sa Kasugoan ug mga Pariseo. Ang inyong pagtuo sa Dios pagpakaaron-ingnon lang! Nahisama kamo sa mga lubnganan nga gipintalan ug puti ug matahom tan-awon sa gawas, apan ang sulod labihan kahugaw ug pulos lang bukog sa patay.

Mateo 23:31

Busa, giangkon ninyo nga mga kaliwat kamo sa mga tawo nga mipatay sa mga propeta.

Lucas 11:47

“Alaot kamo! Nagpahimo kamo ug mga lubnganan sa mga propeta nga gipamatay sa inyong mga katigulangan.

Lucas 11:49

Mao gani nga sumala sa kaalam sa Dios nag-ingon siya, ‘Magpadala ako kanila ug mga propeta ug mga apostoles; ang uban sa akong ipadala ilang patyon, ug ang uban ilang lutoson.’

Roma 1:32

Nasayod sila nga ang Dios nag-ingon nga ang mga tawo nga nagbuhat niini nga mga sala angay nga silotan sa kamatayon, apan gipadayon gihapon nila ang ilang gibuhat. Ug dili kay kana lang, malipay pa gayod sila kon aduna silay makita nga nagbuhat ug sama sa ilang gibuhat.

Santiago 5:10

Buhata ninyo nga panig-ingnan ang pagpailob sa mga propeta nga gisugo sa Dios nga mosulti alang kaniya.

Josue 24:22

Miingon si Josue, “Kamo mismo ang mga saksi sa inyong mga kaugalingon nga misaad kamo nga moalagad kamo sa Ginoo.” Mitubag sila, “Oo, kami mismo ang mga saksi.”