Lucas 11:46 - Ang Pulong sa Dios

⁴⁶ Mitubag si Jesus, “Kamo nga mga magtutudlo sa Kasugoan, alaot usab kamo! Tungod kay gipabug-atan ninyo ang mga tawo sa daghang mga tulomanon nga gidugang ninyo sa Kasugoan, apan kamo mismo wala gani magtuman niini.

Ang Biblia 2011

⁴⁶ Ug siya miingon, “Alaot usab kamong mga batid sa Balaod, kay ang mga tawo inyong gipabug-atan sa mga lisod nga palas-anon, apan kamo mismo dili man gani mohikap niini pinaagi sa usa sa inyong mga tudlo aron sa pagtabang kanila!

Maayong Balita Biblia

⁴⁶ Si Jesus mitubag, “Pagkaalaot usab ninyong mga magtutudlo sa Balaod! Gipapas-an ninyo ang mga tawo sa makabuktot nga palas-anon apan kamo mismo dili man gani mohikap niini bisan sa usa na lang ka tudlo ninyo aron pagtabang kanila.

Ang Bag-ong Maayong Balita Biblia

⁴⁶ Si Jesus mitubag, “Pagkaalaot usab ninyong mga magtutudlo sa Balaod! Gipapas-an ninyo ang mga tawo sa makabuktot nga palas-anon apan kamo mismo dili man gani mohikap niini bisan sa usa na lang ka tudlo ninyo aron pagtabang kanila.

Lucas 11:46 Cross References

Isaias 10:1

Alaot kamo nga naghimog dili makiangayon nga mga balaod, kamong nagdaog-daog sa mga kabos kong katawhan ug wala nagpakabana sa ilang katungod, ug naghikaw kanila sa hustisya. Pinaagi usab niini nga mga balaod giilog ninyo ang kabtangan sa mga biyuda ug mga ilo.

Isaias 58:6

“Ang matang sa puasa nga gusto ko mao ang puasa nga inubanan sa matarong ug husto nga kinaiya. Hunonga ninyo ang pagpangdaog-daog ug ang pagpabilanggo sa mga inosente, ug hatagi ninyo ug kagawasan ang mga dinaog-daog.

Mateo 22:35

Usa sa mga magtutudlo sa Kasugoan ang nangutana kang Jesus aron sa pagbitik kaniya. Miingon siya,

Lucas 11:45

Unya miingon ang usa ka magtutudlo sa Kasugoan, “Magtutudlo, sa imong gisulti giinsulto mo kami.”

Lucas 11:52

“Alaot kamong mga magtutudlo sa Kasugoan! Kay gitagoan ninyo ang yabi sa pagsabot sa kamatuoran. Dili lang nga wala kamo magsunod sa kamatuoran, kondili gibabagan pa ninyo ang uban nga gustong mosunod.”

Mga Taga-Galacia 6:13

Bisan gani sila mismo nga nagpatuli wala usab nagtuman sa Kasugoan. Gusto lang nila nga magpatuli kamo aron ikapasigarbo nila nga nagsunod kamo nianang ilang seremonya.