Lucas 1:66 - Ang Pulong sa Dios

⁶⁶ Ang tanang mga tawo nga nakadungog niini nakapamalandong ug nakapangutana, “Unsa man kaha kining bataa inigkadako na niya?” Kay klaro kaayo nga ang gahom sa Ginoo anaa kaniya.

Ang Biblia 2011

⁶⁶ ug ang tanang nakadungog nagtipig niini sulod sa ilang mga kasingkasing nga nag-ingon, “Maunsa man kaha kining bataa?” kay ang kamot sa Ginoo diha man uban kaniya.

Maayong Balita Biblia

⁶⁶ Namalandong ang tanan nga nakabati niini ug nangutana, “Maunsa kaha ning bataa inigkadako niya?” kay nakita nila nga ang gahom sa Ginoo nag-uban kaniya.

Ang Bag-ong Maayong Balita Biblia

⁶⁶ Namalandong ang tanan nga nakabati niini ug nangutana, “Maunsa kaha ning bataa inigkadako niya?” kay nakita nila nga ang gahom sa Ginoo nag-uban kaniya.

Lucas 1:66 Cross References

Genesis 37:11

Nasina ang mga igsoon ni Jose kaniya, apan gihinuktokan sa iyang amahan kining mga butanga.

Genesis 39:2

Giubanan gayod sa Ginoo si Jose, busa nagmauswagon siya. Didto siya mipuyo sa balay sa iyang agalon nga Ehiptohanon nga si Potifar.

1 Mga Hari 18:46

Unya, gigamhan sa Ginoo si Elias. Gibira niya pataas ang iyang bisti ug gibaksan, unya midagan siya pag-una kang Ahab paingon sa Jezreel.

Salmo 119:11

Tipigan ko ang imong mga pulong sulod sa akong kasing-kasing aron dili ako makasala kanimo.

Salmo 80:17

Apan karon, tabangi kaming imong mga pinili ug gipalig-on alang sa imong kadungganan.

Salmo 89:21

Ang akong gahom mag-uban ug maglig-on kaniya.

Lucas 1:80

Unya, ang bata nga si Juan midako ug nalig-on sa espiritu. Nagpuyo siya sa kamingawan hangtod sa adlaw nga nagsugod siya sa iyang pagpanudlo sa mga Israelinhon.

Lucas 2:19

Gitipigan ni Maria kining mga butanga sa iyang kasing-kasing ug kanunay niya kining gipamalandongan.

Lucas 2:40

Midako ang bata, nahimong himsog ug nagmaalamon; ug gipanalanginan siya sa Dios.

Lucas 2:51

Miuban si Jesus sa iyang mga ginikanan pauli sa Nazaret, ug padayon siya nga nagmatinumanon kanila. Kining tanan nga nahitabo gitipigan ni Maria sa iyang kasing-kasing.

Lucas 9:44

“Hinumdomi gayod ninyo kini: Ang Anak sa Tawo kinahanglan nga itugyan ngadto sa kamot sa iyang mga kaaway.”

Mga Buhat 11:21

Ang gahom sa Ginoo anaa kanila ug daghan gayod ang mituo ug nahimong magtutuo sa Ginoo.

Mga Taga-Colosas 1:5

Ingon kamo niini tungod kay nagpaabot man kamo sa inyong gilaoman nga gitagana alang kaninyo didto sa langit. Kining inyong gilaoman nadunggan na ninyo kaniadto sa dihang gisangyaw kaninyo ang kamatuoran, nga mao ang Maayong Balita.

1 Samuel 16:18

Mitubag ang usa sa iyang mga alagad, “Ang anak ni Jesse nga taga-Betlehem maayong motukar ug harpa, ug dili kay kana lang, isog siya ug maayong makig-away. Guwapo siya ug maayong manulti, ug nag-uban kaniya ang Ginoo.”

1 Samuel 2:18

Unya, ang bata nga si Samuel nagpadayon sa pag-alagad sa Ginoo. Nagsul-ob siya sa efod nga hinimo sa lino.