Levitico 8:28 - Ang Pulong sa Dios

²⁸ Pagkahuman gikuha kini ni Moises gikan kanila ug gisunog diha sa halaran uban sa halad nga sinunog. Halad kini alang sa ilang ordinasyon. Ang kahumot niini nga halad pinaagi sa kalayo makapalipay sa Ginoo.

Ang Biblia 2011

²⁸ Unya gikuha ni Moises ang maong mga butang gikan sa ilang mga kamot ug gisunog niya kini sa halaran uban sa halad nga sunogon ingon nga halad sa paggahin, usa ka kahumot nga makapahimuot, usa ka halad pinaagi sa kalayo alang sa Ginoo.

Maayong Balita Biblia

²⁸ Unya gikuha kini pagbalik ni Moises gikan kanila ug gisunog niya sa halaran uban sa halad nga sunogonon ingon nga humot nga halad alang sa ordinasyon. Usa kini ka halad alang sa Ginoo pinaagi sa kalayo.

Ang Bag-ong Maayong Balita Biblia

²⁸ Unya gikuha kini pagbalik ni Moises gikan kanila ug gisunog niya sa halaran uban sa halad nga sunogonon ingon nga humot nga halad alang sa ordinasyon. Usa kini ka halad alang sa Ginoo pinaagi sa kalayo.

Levitico 8:28 Cross References

Genesis 8:21

Sa dihang napanimahoan sa Ginoo ang kahumot niini, miingon siya sa iyang kaugalingon, “Dili ko na gayod tunglohon pag-usab ang yuta tungod sa binuhatan sa tawo. Bisan pa ug daotan siya sukad pa sa iyang pagkabata, dili ko na gayod laglagon pag-usab ang tanang adunay kinabuhi sama sa akong gibuhat.

Exodo 29:25

Unya kuhaa kini kanila ug sunoga diha sa halaran uban sa halad nga sinunog. Ang kahumot niini nga halad pinaagi sa kalayo makapalipay kanako.

Levitico 1:9

Apan hugasan sa maghahalad ang mga sulod sa ginhawaan ug ang mga tiil sa mananap. Pagkahuman, ang pari mao na ang mosunog niining tanan diha sa halaran ingon nga halad nga sinunog. Ang kahumot niining halad pinaagi sa kalayo makapalipay sa Ginoo.

Zacarias 13:7

Miingon ang  Ginoo nga Makagagahom, “Patya ang akong magbalantay sa mga karnero, nga akong alagad. Patya siya ug magkatibulaag ang mga karnero, ang akong kabos nga katawhan. Ug kini sila akong silotan.