Levitico 8:19 - Ang Pulong sa Dios

¹⁹ Giihaw ni Moises ang karnero ug gisablig ang dugo niini sa palibot sa halaran.

Ang Biblia 2011

¹⁹ Ug gipatay kini ni Moises ug gisablig niya ang dugo libot sa ibabaw sa halaran.

Maayong Balita Biblia

¹⁹ Unya giihaw kini ni Moises ug gisablig niya ang dugo niini sa tanang kilid sa halaran.

Ang Bag-ong Maayong Balita Biblia

¹⁹ Unya giihaw kini ni Moises ug gisablig niya ang dugo niini sa tanang kilid sa halaran.

Levitico 8:19 Cross References

2 Cronicas 29:22

Busa giihaw sa mga pari ang mga torong baka ug gisablig ang dugo niini sa halaran. Sunod, giihaw nila ang mga laking karnero ug gisablig usab ang dugo niini sa halaran. Unya ang mga batan-ong karnero na usab ang giihaw ug gisablig ang dugo niini sa halaran.

Levitico 1:11

Ihawon niya kini diha sa presensya sa Ginoo didto sa amihan nga dapit sa halaran. Ug ang dugo niini isablig sa mga pari nga kaliwat ni Aaron palibot sa halaran.

Levitico 8:18

Pagkahuman niini, gipakuha ni Moises ang hamtong nga laking karnero isip halad nga sinunog, ug gipatong ni Aaron ug sa iyang mga anak nga lalaki ang ilang mga kamot sa ulo sa karnero.

Levitico 8:20

Gihiwa-hiwa niya ang mananap ug gihugasan ang mga bahin nga anaa sa sulod sa ginhawaan ug ang mga tiil niini. Unya gisunog niya didto sa halaran ang tanang bahin sa mananap apil ang ulo ug ang mga tambok niini isip halad nga sinunog. Ang kahumot niini nga halad pinaagi sa kalayo makapalipay sa Ginoo. Gihimo kini ni Moises sumala sa gisugo kaniya sa Ginoo.

Mga Hebreo 9:21

Ug giwisikan usab niya ang Tolda nga Pagsimbahan lakip ang tanan nga galamiton sa pagsimba sa Dios.