Levitico 7:30 - Ang Pulong sa Dios

³⁰ Ug kini nga bahin nga alang sa Ginoo dad-on mismo sa maghahalad. Dad-on niya ang tambok ug ang dughan sa mananap, ug ibayaw niya ang dughan diha sa presensya sa Ginoo isip halad nga binayaw.

Ang Biblia 2011

³⁰ Dad-on niya sa iyang kaugalingong mga kamot ang iyang halad pinaagi sa kalayo alang sa Ginoo; dad-on niya ang tambok uban sa dughan aron ang dughan ibayaw ingon nga halad nga binayaw sa atubangan sa Ginoo.

Maayong Balita Biblia

³⁰ Siya maoy magdala sa mga halad nga sunogonon alang sa Ginoo. Dad-on niya ang tambok lakip ang dughan niini aron ang dughan ibayaw ingon nga binayaw nga halad sa atubangan sa Ginoo.

Ang Bag-ong Maayong Balita Biblia

³⁰ Siya maoy magdala sa mga halad nga sunogonon alang sa Ginoo. Dad-on niya ang tambok lakip ang dughan niini aron ang dughan ibayaw ingon nga binayaw nga halad sa atubangan sa Ginoo.

Levitico 7:30 Cross References

Salmo 110:3

Sa adlaw nga makig-away ka sa imong mga kaaway, kinabubut-on nga motabang kanimo ang imong katawhan. Ang mga pamatan-on moadto kanimo sa balaang mga bungtod nga daw tun-og sa kabuntagon.

Levitico 10:14

Kaonon ninyo ug sa tibuok nimong pamilya ang dughan ug ang paa sa mananap nga gibayaw ug gihalad ngadto sa Ginoo. Kaonon ninyo kini bisan asang dapit nga giisip nga hinlo. Gihatag kini kaninyo isip inyong bahin gikan sa mga halad sa mga Israelinhon alang sa maayo nga relasyon.

Levitico 10:15

Kon maghalad ang mga Israelinhon, ihalad nila ang dughan ug ang paa sa mananap uban ang mga tambok nga ihalad nila ingon nga halad pinaagi sa kalayo. Ang dughan ug ang paa ibayaw nila ngadto sa presensya sa Ginoo isip halad nga binayaw. Mao kini ang bahin ninyo ug sa imong mga kaliwat hangtod sa kahangtoran, sumala sa gisugo sa Ginoo.”

Levitico 3:14

Unya, gikan niining halad magkuha ang pari ug bahin nga iyang sunogon alang sa Ginoo. Kuhaon niya ang tanang tambok sulod sa ginhawaan sa kanding,

Levitico 3:9

Unya mokuha ang pari ug bahin gikan niining halad nga iyang sunogon alang sa Ginoo. Kuhaon niya ang mga tambok, ang tibuok tambok nga ikog nga pinapuok pagkaputol, ang tanan nga tambok sa sulod sa ginhawaan,

Levitico 8:29

Gikuha usab ni Moises ang dughan sa karnero ug gibayaw kini ngadto sa Ginoo isip halad nga binayaw. Mao kini ang iyang bahin sa karnero nga halad alang sa ordinasyon. Kining tanan gihimo ni Moises sumala sa gisugo kaniya sa Ginoo.

Levitico 9:20

gitungtong sa mga anak nga lalaki ni Aaron sa mga dughan sa mga mananap. Ug gisunog ni Aaron ang mga tambok didto sa halaran.

Levitico 9:21

Sumala sa gisugo ni Moises, gibayaw ni Aaron ang mga dughan ug ang tuo nga paa sa mananap isip halad nga binayaw ngadto sa Ginoo.

Numeros 6:20

Kuhaon dayon kini sa pari ug unya ibayaw ngadto sa presensya sa Ginoo isip halad nga binayaw. Balaan kini nga bahin sa halad, ug iya na kini sa pari, apil ang dughan ug paa sa karnero nga gibayaw usab sa Ginoo. Human niini mahimo nang moinom ug bino ang Nazareo.

Numeros 8:11

Si Aaron ang modedikar kanila sa akong presensya isip pinasahi nga halad gikan sa mga Israelinhon, aron makaalagad sila kanako.

Juan 10:18

Walay makapatay kanako kon dili ko kini itugot. Apan kabubut-on ko nga ihatag ang akong kinabuhi. Akong pagbuot ang paghatag niini, ug pagbuot ko usab ang pagbawi niini. Mao kini ang gisugo kanako sa Amahan.”

2 Mga Taga-Corinto 8:12

Kay kon tinguha gayod ninyo nga mohatag, dawaton sa Dios ang inyong ikahatag. Wala siya nagpaabot nga mohatag kamo sa dili ninyo makaya.

Deuteronomio 18:3

“Mao kini ang mga bahin nga alang sa mga pari gikan sa mga baka o karnero o kanding nga halad sa mga tawo: ang abaga, ang apapangig, ug ang tiyan.