Levitico 6:10 - Ang Pulong sa Dios

¹⁰ Isul-ob sa pari ang iyang pangsapaw nga bisting lino, ug ang pang-ilalom nga bisti nga nagtabon sa iyang kinatawo, ug kuhaon niya ang abo niining halad ug ibutang sa kilid sa halaran.

Ang Biblia 2011

¹⁰ Ang pari magsul-ob sa iyang bisti nga lino ug magsul-ob siya ug mga karsunsilyo nga lino sa iyang lawas. Ug iyang hiposon ang abo sa kalayo nga nag-ut-ot sa halad nga sinunog ibabaw sa halaran ug kini ibutang niya duol sa halaran.

Maayong Balita Biblia

¹⁰ Isul-ob sa pari ang iyang linong bisti ingon man ang mga sapot sa ilalom niini ug iyang kuhaon ang abo sa halad nga gisunog ug ibutang kini sa tupad sa halaran.

Ang Bag-ong Maayong Balita Biblia

¹⁰ Isul-ob sa pari ang iyang linong bisti ingon man ang mga sapot sa ilalom niini ug iyang kuhaon ang abo sa halad nga gisunog ug ibutang kini sa tupad sa halaran.

Levitico 6:10 Cross References

Salmo 20:3

Hinaut pa nga dawaton niya ang imong mga halad, apil na ang imong halad nga sinunog.

Salmo 37:20

Apan ang mga daotan mangalaglag. Ang mga kaaway sa Ginoo mahisama sa mga bulak nga mangamatay lang. Mangawala sila nga daw aso.

Ezequiel 44:19

Kon mogawas sila sa gawas nga hawanan diin atua ang mga tawo, kinahanglan huboon una nila ang mga bisti nga ilang gigamit sa pag-alagad ug ibutang didto sa balaang mga kuwarto, ug unya magsul-ob silag ordinaryo lang nga bisti. Nianang paagiha, ang pagkabalaan sa ilang bisti dili makaapekto sa mga tawo.

Levitico 1:13

Unya hugasan sa maghahalad ang mga bahin nga anaa sa sulod sa ginhawaan ug ang mga tiil niini. Pagkahuman, ang pari mao na ang mosunog niining tanan sa halaran ingon nga halad nga sinunog. Ang kahumot niini nga halad pinaagi sa kalayo makapalipay sa Ginoo.

Levitico 1:9

Apan hugasan sa maghahalad ang mga sulod sa ginhawaan ug ang mga tiil sa mananap. Pagkahuman, ang pari mao na ang mosunog niining tanan diha sa halaran ingon nga halad nga sinunog. Ang kahumot niining halad pinaagi sa kalayo makapalipay sa Ginoo.

Levitico 16:4

Kinahanglan nga maligo siya ug unya isul-ob ang bisti alang sa pangulong pari nga puro lino: ang pang-ilalom nga panapton nga nagtabon sa iyang kinatawo, ang panggawas nga bisti, ang bakos, ug ang turban.

Levitico 2:11

“ ‘Ang tanang halad sa pagpasidungog nga ginahalad sa Ginoo kinahanglan nga walay patubo, kay dili kamo mahimong magsunog ug patubo o dugos sa inyong paghalad sa Ginoo.

Levitico 6:11

Pagkahuman, mag-ilis siya sa iyang bisti ug dad-on niya ang abo didto sa gawas sa kampo, sa usa ka dapit nga giisip nga hinlo.

Levitico 6:18

Ang tanang mga lalaki nga kaliwat ni Aaron, apil ang ulahi nga mga henerasyon, makakaon niini nga bahin sa halad, tungod kay mao kini ang ilang bahin sa halad alang sa Ginoo pinaagi sa kalayo. Ang mga naggunit niini nga mga halad kinahanglan balaan.’ ”

Levitico 6:22

Kinahanglan sunogon ang halad sa hingpit, kay halad kini alang sa Ginoo. Kinahanglan himuon kini sa matag kaliwat ni Aaron nga mopuli kaniya isip pangulong pari.

Levitico 8:2

“Paadtoa si Aaron ug ang iyang mga anak nga lalaki didto sa pultahan sa Tolda nga Tagboanan, ug tigoma ang tibuok katilingban didto. Ipadala ang mga bisti nga alang sa mga pari, ang lana nga pangdihog, ang torong baka nga halad sa paghinlo, ang duha ka hamtong nga laking karnero, ug ang bukag nga gisudlan sa mga pan nga walay patubo.”

Numeros 16:21

“Palayo kamo gikan niining mga tawhana kay pamatyon ko sila dayon.”

Numeros 16:35

Unya nagpadala ug kalayo ang Ginoo, ug gilamoy sa kalayo ang 250 ka mga sumusunod ni Kora nga naghalad ug insenso.

Gipadayag 19:14

Adunay nagsunod kaniya nga mga sundalo nga gikan sa langit, nga nagsakay usab sa puti nga mga kabayo, ug ang ilang bisti lino nga limpyo ug puti.

Gipadayag 19:8

Gibistihan siyag puti nga limpyo kaayo ug nagsinaw pa.” (Ang maong bisti nga lino nagkahulogan sa matarong nga mga binuhatan sa katawhan sa Dios.)

Gipadayag 7:13

Unya, nangutana kanako ang usa sa mga pangulo, “Nasayod ka ba kon kinsa kanang mga tawo nga nagbistig puti, ug kon asa sila gikan?”