Levitico 4:24 - Ang Pulong sa Dios

²⁴ Halad kini alang sa paghinlo. Ipatong niya ang iyang kamot sa ulo sa kanding, ug ihawon niya kini didto sa presensya sa Ginoo sa dapit nga ihawanan sa mga mananap nga isip halad nga sinunog.

Ang Biblia 2011

²⁴ Ibutang niya ang iyang kamot sa ibabaw sa ulo sa laking kanding ug patyon niya kini sa dapit diin patyon ang halad nga sunogon sa atubangan sa Ginoo. Kini usa ka halad tungod sa sala.

Maayong Balita Biblia

²⁴ Itapion niya ang iyang kamot sa ulo sa kanding ug ihawon niya kini sa dapit nga ihawanan sa halad nga pagasunogon sa atubangan sa Ginoo silbing halad alang sa sala.

Ang Bag-ong Maayong Balita Biblia

²⁴ Itapion niya ang iyang kamot sa ulo sa kanding ug ihawon niya kini sa dapit nga ihawanan sa halad nga pagasunogon sa atubangan sa Ginoo silbing halad alang sa sala.

Levitico 4:24 Cross References

2 Mga Hari 12:16

Ang kuwarta nga gihatag isip halad nga bayad sa sala ug mga halad aron mahimong hinlo ang tawo, wala dad-a ngadto sa Templo sa Ginoo kay alang kadto sa mga pari.

2 Cronicas 29:23

Ang mga kanding nga halad alang sa paghinlo gidala nila sa hari ug sa mga tawo nga mipatong sa ilang mga kamot niini.

Exodo 29:38

“Ang imong ihalad sa halaran matag adlaw duha ka karnero nga nag-edad ug tagsa pa ka tuig.

Isaias 53:6

Kitang tanan sama sa mga karnero nga nasaag; matag-usa kanato nagpatuyang lang sa pagbuhat sa atong gusto. Apan siya ang gipaantos sa Ginoo sa silot nga alang unta kanatong tanan.

Levitico 1:11

Ihawon niya kini diha sa presensya sa Ginoo didto sa amihan nga dapit sa halaran. Ug ang dugo niini isablig sa mga pari nga kaliwat ni Aaron palibot sa halaran.

Levitico 1:4

Itungtong niya ang iyang kamot sa ulo sa baka nga iyang gihalad, ug dawaton kini sa Ginoo aron mahinloan siya gikan sa iyang mga sala.

Levitico 1:5

Unya ihawon niya kini nga mananap diha sa presensya sa Ginoo. Ug ang dugo niini isablig sa mga pari nga kaliwat ni Aaron palibot sa halaran, nga anaa sa pultahan sa Tolda nga Tagboanan.

Levitico 14:13

Ihawon niya ang karnero didto sa balaang dapit, sa ihawanan sa halad sa paghinlo ug sa halad nga sinunog. Kining halad nga karnero balaan kaayo, ug iya na kini sa pari sama usab sa halad sa paghinlo.

Levitico 16:15

Ihawon usab niya ang kanding isip halad sa paghinlo alang sa katawhan. Dad-on niya ang dugo niini sa Labing Balaang Dapit ug iwisik sa tabon sa Sudlanan sa Kasabotan, sama sa gihimo niya sa dugo sa nating torong baka.

Levitico 3:13

ipatong niya ang iyang kamot sa ulo sa kanding ug ihawon niya kini didto sa atubangan sa Tolda nga Tagboanan. Ug ang dugo niini isablig sa mga pari nga kaliwat ni Aaron palibot sa halaran.

Levitico 3:2

Ipatong niya ang iyang kamot diha sa ulo sa baka, ug ihawon niya kini duol sa pultahan sa Tolda nga Tagboanan. Ang dugo niini isablig sa mga pari nga kaliwat ni Aaron palibot sa halaran.

Levitico 3:8

ipatong niya ang iyang kamot diha sa ulo sa karnero ug ihawon niya kini didto sa atubangan sa Tolda nga Tagboanan. Ug ang dugo niini isablig sa mga pari nga kaliwat ni Aaron palibot sa halaran.

Levitico 6:18

Ang tanang mga lalaki nga kaliwat ni Aaron, apil ang ulahi nga mga henerasyon, makakaon niini nga bahin sa halad, tungod kay mao kini ang ilang bahin sa halad alang sa Ginoo pinaagi sa kalayo. Ang mga naggunit niini nga mga halad kinahanglan balaan.’ ”

Levitico 6:22

Kinahanglan sunogon ang halad sa hingpit, kay halad kini alang sa Ginoo. Kinahanglan himuon kini sa matag kaliwat ni Aaron nga mopuli kaniya isip pangulong pari.

Levitico 6:25

“Sultihi si Aaron ug ang iyang mga anak nga lalaki niini nga mga patakaran: ‘Ang halad sa paghinlo kinahanglan nga ihawon diha sa presensya sa Ginoo didto sa dapit nga ihawanan sa halad nga sinunog. Ang halad sa paghinlo balaan gayod nga halad.

Levitico 7:2

Ang halad isip bayad sa sala ihawon didto sa ihawanan sa halad nga sinunog. Ug ang dugo niini isablig palibot sa halaran.