Levitico 26:10 - Ang Pulong sa Dios

¹⁰ Dili ninyo mahurot ug kaon ang inyong nangaging abot. Panghabwaon na lang ninyo kini sa inyong gibutangan ug ilisan sa bag-ong abot.

Ang Biblia 2011

¹⁰ Magkaon kamo sa daan nga abot nga dugay nang gitipigan ug habwaon ninyo ang daan tungod kay adunay bag-o.

Maayong Balita Biblia

¹⁰ Magkaon kamo sa daan ninyong abot nga dugay nang diha sa tipiganan ug kuhaon ninyo ang daang abot ug pulihan sa bag-o.

Ang Bag-ong Maayong Balita Biblia

¹⁰ Magkaon kamo sa daan ninyong abot nga dugay nang diha sa tipiganan ug kuhaon ninyo ang daang abot ug pulihan sa bag-o.

Levitico 26:10 Cross References

2 Mga Hari 19:29

Unya miingon si Isaias kang Ezequias, “Mao kini ang timailhan nga panalipdan sa Ginoo ang Jerusalem gikan sa mga taga-Asiria: “Karong tuiga mokaon kamo sa mga bunga sa mga tanom nga nanubo, ug sa ikaduhang tuig ang mga bunga sa mga tanom nga nanubo mao na usab ang inyong kan-on. Apan sa ikatulong tuig makatanom na kamo ug mga lugas ug makaani. Makatanom usab kamo ug mga ubas ug makakaon sa bunga niini.

Joel 2:24

Mapuno sa mga trigo ang mga giokanan ug mag-awas ang duga sa ubas ug lana sa mga pug-anan niini.

Levitico 25:22

Busa samtang nagtanom pa kamo sa ikawalo nga tuig, ang inyong kaonon mao pa ang inyong giani sa ikaunom nga tuig, ug daghan pa ang inyong pagkaon hangtod sa ting-ani sa ikasiyam nga tuig.

Lucas 12:17

Miingon siya sa iyang kaugalingon, ‘Unsa man ang akong himuon? Wala na akoy kabutangan sa akong ani!’

Josue 5:11

Pagkaugma, nangaon sila sa mga abot gikan niadtong yutaa: sinanlag nga trigo ug pan nga walay patubo.