Levitico 23:6 - Ang Pulong sa Dios

⁶ Ug sa ika-15 nga adlaw sa mao gihapon nga bulan, magsugod usab ang Pista sa Pan nga Walay Patubo sa Ginoo. Pito ka adlaw kini nga pista, ug nianang mga adlawa kinahanglan nga pan nga walay patubo ang inyong kaonon.

Ang Biblia 2011

⁶ Sa ikanapulo ug lima nga adlaw niining bulana mao ang Kasaulogan sa Pan nga Walay Patubo alang sa Ginoo. Pito ka adlaw kamong magkaon ug mga pan nga walay patubo.

Maayong Balita Biblia

⁶ ug ang ika-15 nga adlaw sa mao gihapong bulan mao ang Kasaulogan sa Pan nga Walay Patubo. Sulod sa pito ka adlaw, kinahanglan nga ang kan-on ninyo mao ang Pan nga Walay Patubo.

Ang Bag-ong Maayong Balita Biblia

⁶ ug ang ika-15 nga adlaw sa mao gihapong bulan mao ang Kasaulogan sa Pan nga Walay Patubo. Sulod sa pito ka adlaw, kinahanglan nga ang kan-on ninyo mao ang Pan nga Walay Patubo.

Levitico 23:6 Cross References

Exodo 12:14

“Kinahanglan hinumdoman ninyo kana nga adlaw sa tanang panahon. Sauloga ninyo kana kada tuig ingon nga pista sa pagpasidungog alang sa Ginoo hangtod sa umaabot nga mga henerasyon. Himoon kini nga tulomanon hangtod sa kahangtoran.

Exodo 23:15

“Sauloga ninyo ang Pista sa Pan nga Walay Patubo. Sumala sa gisugo ko na kaninyo, mokaon kamo ug pan nga walay patubo sulod sa pito ka adlaw. Himoa ninyo kini sa gitakda nga panahon sa bulan sa Abib, kay mao kanang bulana nga mibiya kamo sa Ehipto. Ang kada usa kinahanglan magdala kanakog halad nianang panahona.

Exodo 34:18

“Sauloga ninyo ang Pista sa Pan nga Walay Patubo. Sumala sa gisugo ko kaninyo, magkaon kamo ug pan nga walay patubo sulod sa pito ka adlaw. Himoa ninyo kini sa gitakda nga panahon sa bulan sa Abib, kay mao kana ang bulan nga mibiya kamo gikan sa Ehipto.

Deuteronomio 16:3

Kaonon ninyo kini uban sa pan nga walay patubo. Sulod sa pito ka adlaw mokaon kamo ug pan nga walay patubo sama sa inyong gihimo sa dihang nagdali-dali kamog biya gikan sa Ehipto. Kaona ninyo kini nga pan, ang simbolo sa inyong mga pag-antos, aron mahinumdoman ninyo sa tibuok ninyong kinabuhi ang panahon nga mibiya kamo gikan sa Ehipto.

Deuteronomio 16:8

Sulod sa unom ka adlaw, magkaon kamo ug pan nga walay patubo, ug sa ikapito nga adlaw magtigom kamo aron sa pagsimba sa Ginoo nga inyong Dios ug dili kamo magtrabaho nianang adlawa.