Levitico 23:41 - Ang Pulong sa Dios

^41-43 Kini nga pista sauloga ninyo sa ikapito nga bulan matag tuig sa pagpasidungog sa Ginoo. Sulod sa pito ka adlaw, pagpuyo kamo sa mga payag aron nga mahibaloan sa inyong mga kaliwat nga gipapuyo sa Ginoo nga inyong Dios ang inyong mga katigulangan sa mga payag sa dihang gipagawas niya sila gikan sa Ehipto. Kini nga mga patakaran kinahanglan nga tumanon ninyo hangtod sa umaabot nga mga henerasyon.’ ”

Ang Biblia 2011

⁴¹ Himoon ninyo ang kasaulogan alang sa Ginoo sulod sa pito ka adlaw sa tuig. Kini usa ka lagda hangtod sa kahangtoran ngadto sa inyong mga kaliwatan. Himoon ninyo kini sa ikapito nga bulan.

Maayong Balita Biblia

⁴¹ Sauloga ninyo kini alang sa Ginoo sulod sa usa ka semana sa ikapitong bulan sa tuig. Tulomanon kini nga walay kataposan alang kaninyo ug sa inyong mga kaliwatan.

Ang Bag-ong Maayong Balita Biblia

⁴¹ Sauloga ninyo kini alang sa Ginoo sulod sa usa ka semana sa ikapitong bulan sa tuig. Tulomanon kini nga walay kataposan alang kaninyo ug sa inyong mga kaliwatan.

Levitico 23:41 Cross References

Nehemias 8:18

Adlaw-adlaw nga gibasa ni Ezra ngadto sa mga tawo ang Libro sa Kasugoan sa Dios, gikan sa nahaunang adlaw sa pista hangtod sa kataposang adlaw. Gisaulog nila ang maong pista sulod sa pito ka adlaw. Ug sa ikawalo ka adlaw nagtigom sila sa pagsimba sa Ginoo, sumala sa Kasugoan.

Levitico 23:14

Kon wala pa kini ninyo ikahalad, ayaw gayod kamo pagkaon sa bisan unsa nga matang sa pagkaon gikan sa inyong bag-ong giani, hilaw man kini o sinanlag o giluto nga pan. Kini nga mga patakaran kinahanglan nga tumanon ninyo hangtod sa umaabot nga mga henerasyon, bisan asa pa kamo magpuyo.

Levitico 23:40

Sa nahaunang adlaw, pagkuha kamo ug mga labing maayong mga bunga sa mga kahoy, mga palwa sa palma, ug mga sanga sa labong nga mga kahoy sa walog, ug paglipay kamo sa presensya sa Ginoo nga inyong Dios sulod sa pito ka adlaw.

Numeros 29:12

“Sa ika-15 nga adlaw sa mao gihapong bulan, magtigom na usab kamo aron sa pagsimba sa Ginoo ug ayaw gayod kamo pagtrabaho nianang adlawa. Saulogon ninyo kini nga pista alang sa Ginoo sulod sa pito ka adlaw.