Levitico 21:10 - Ang Pulong sa Dios

¹⁰ “ ‘Kon ang pangulong pari magsubo alang sa patay, kinahanglan nga dili niya kalkagon ang iyang buhok ug dili niya gision ang iyang bisti.

Ang Biblia 2011

¹⁰ “Ang labawng pari taliwala sa iyang mga igsoon, nga ang ulo gibuboan ug lana nga igdidihog ug nga gibalaan aron magsul-ob sa mga balaang bisti, dili magpadunghay sa buhok sa iyang ulo o maggisi sa iyang mga bisti.

Maayong Balita Biblia

¹⁰ “Ang Pangulong Pari, kansang ulo gidihogan na sa lana nga igdidihog ug giordinahan aron magsul-ob sa sapot sa pagkapari kinahanglan nga maghapsay kanunay sa iyang buhok ug dili niya gision ang iyang sapot.

Ang Bag-ong Maayong Balita Biblia

¹⁰ “Ang Pangulong Pari, kansang ulo gidihogan na sa lana nga igdidihog ug giordinahan aron magsul-ob sa sapot sa pagkapari kinahanglan nga maghapsay kanunay sa iyang buhok ug dili niya gision ang iyang sapot.

Levitico 21:10 Cross References

Genesis 37:34

Unya gigisi ni Jacob ang iyang bisti ug nagsul-ob siya ug sako sa pagpakita sa iyang pagsubo. Dugay-dugay siyang nagbangotan sa pagkamatay sa iyang anak.

2 Samuel 15:30

Mitungas si David sa Bukid sa mga Olibo. Nagtiniil lang siya ug ginatabonan niya ang iyang ulo samtang gahilak. Mitungas usab nga gahilak ang iyang mga kauban ug ginatabonan usab nila ang ilang mga ulo.

Ester 6:12

Pagkahuman, mibalik si Mordecai sa pultahan sa palasyo. Apan si Haman midali-dali ug pauli nga nagtabon sa iyang nawong tungod sa labihang kaulaw.

Job 1:20

Pagkadungog niadto ni Job, mitindog siya ug gigisi niya ang iyang bisti. Unya gikiskisan niya ang iyang ulo ug mihapa sa yuta sa pagsimba sa Ginoo.

Salmo 133:2

Sama kini sa mahalong lana nga gidihog sa ulo ni Aaron, nga midagayday sa iyang bangas ug ngadto sa kuwelyo sa iyang bisti.

Exodo 29:7

Unya kuhaa ang lana ug ibubo sa ulo ni Aaron sa pagdihog kaniya.

Ezequiel 24:17

Pag-agulo lang sa hilom. Ayaw ipakita ang imo nga pagbangotan. Ayaw hukasa ang imo nga turban ug sandalyas, ug ayaw taboni ang imo nga nawong. Ayaw usab pagkaon sa kalan-on sa mga nagsubo alang sa patay.”

Levitico 13:45

Ang tawo nga adunay ngilngig nga sangla kinahanglan nga magsul-ob ug gisi nga bisti, kalkagon niya ang iyang buhok, ug tabonan niya ang ubos nga bahin sa iyang nawong. Unya mosinggit siya, “Hugaw ako! Hugaw ako!”

Levitico 16:32

Ang pari nga gipili ug giordinahan nga maoy mopuli sa iyang amahan isip pangulong pari mao ang mohimo sa seremonya. Isul-ob niya ang bisti nga alang sa pangulong pari,

Levitico 4:3

“ ‘Kon ang pangulong pari makasala nga wala niya tuyoa, ug tungod niini maangin ang mga tawo, maghalad siya sa Ginoo ug nating torong baka nga walay depekto isip halad sa paghinlo.

Levitico 8:12

Unya gibuboan niya ug lana nga pangdihog ang ulo ni Aaron sa pagdedikar kaniya ngadto sa Ginoo.

Numeros 35:25

Kinahanglan nga protektahan sa katilingban ang tawong nakapatay batok sa tawong buot manimalos kaniya, ug ibalik siya ngadto sa lungsod nga dalangpanan, diin siya midangop. Kinahanglan nga magpabilin siya didto hangtod mamatay ang pangulong pari.

Numeros 6:7

bisan iya pa kining amahan, inahan, o igsoon. Dili gayod niya hugawan ang iyang kaugalingon tungod lang kanila, kay ang iyang buhok simbolo sa iyang pagdedikar sa iyang kinabuhi ngadto sa Dios.

Mateo 26:65

Sa pagkadungog niadto sa ang pangulong pari gigisi niya ang iyang bisti sa kasuko ug miingon, “Nagpasipala siya batok sa Dios! Dili na kinahanglanon ang mga testigo! Nadunggan ninyo ang iyang gipamulong batok sa Dios.