Levitico 2:14 - Ang Pulong sa Dios

¹⁴ “ ‘Kon maghalad kamo sa inyong unang abot ingon nga halad sa pagpasidungog sa Ginoo, paghalad kamog ginaling o sinanlag nga mga trigo.

Ang Biblia 2011

¹⁴ “Kon maghalad ikaw ug halad nga pagkaon alang sa Ginoo gikan sa unang mga abot, ihalad nimo ingon nga halad nga pagkaon gikan sa imong mga unang abot ang mga dinugmok nga bag-ong lugas gikan sa mga bag-ong ani nga uhay nga gisangag sa kalayo.

Maayong Balita Biblia

¹⁴ “Kon maghalad ka sa Ginoo sa unang mga abot, maoy ihalad ang bugas nga bag-ong ani ug sangaga kini.

Ang Bag-ong Maayong Balita Biblia

¹⁴ “Kon maghalad ka sa Ginoo sa unang mga abot, maoy ihalad ang bugas nga bag-ong ani ug sangaga kini.

Levitico 2:14 Cross References

Genesis 4:3

Usa niadto ka adlaw, nagdala si Cain ug halad ngadto sa Ginoo gikan sa abot sa iyang uma.

2 Mga Hari 4:42

Sa lain na usab nga higayon, adunay usa ka tawo nga gikan sa Baal Shalisha nga nagdala kang Eliseo, ang tawo sa Dios, ug 20 ka pan nga hinimo gikan sa unang abot sa barley, ug bag-ong inani nga mga lugas diha sa iyang sako. Miingon si Eliseo, “Ihatag kana sa grupo sa mga propeta aron makakaon sila.”

Levitico 2:15

Butangan ninyo kini ug mantika ug insenso. Halad kini sa pagpasidungog.

Levitico 2:16

Sunogon sa pari ang ubang ginaling nga mga trigo nga adunay mantika ug ang tanang insenso nga gibutang niini aron sa paghinumdom sa Ginoo. Halad kini pinaagi sa kalayo alang sa Ginoo.’ ”

Levitico 22:29

Kon maghalad kamo ug halad sa pagpasalamat kanako, sunda ninyo ang husto nga pamaagi sa paghalad niini aron dawaton ko kini.

Levitico 23:13

Lakipi ninyo kini ug upat ka kilo nga maayong klasi sa harina nga gisagolan ug mantika isip halad sa pagpasidungog sa Ginoo, ug usa ka litro nga bino isip halad nga ilimnon. Mga halad kini pinaagi sa kalayo, ug ang kahumot niini makapalipay sa Ginoo.

Levitico 23:20

Unya ibayaw sa pari diha sa presensya sa Ginoo ang duha ka karnero ug ang halad nga gikan sa nahaunang ani. Balaan kini nga mga halad alang sa Ginoo, ug bahin kini sa mga pari.

Malaquias 1:11

Sa pagkatinuod, gidayeg ang akong ngalan sa mga nasod sa bisan asang bahin sa kalibotan. Bisan asang dapit nagsunog ang mga tawo ug insenso ug gahalad ug hinlo nga mga halad kanako,” miingon ang Ginoo nga Makagagahom.

Numeros 28:2

“Ingna ang mga Israelinhon nga kinahanglan nga maghalad sila kanako ug mga halad pinaagi sa kalayo sa gitakda nga panahon. Kini nga mga halad maoy akong pagkaon, ug ang kahumot niini makapalipay kanako. Busa isulti kini ngadto sa mga Israelinhon:

1 Mga Taga-Corinto 15:20

Apan ang tinuod, nabanhaw si Cristo gikan sa kamatayon ug mao kini ang nagpamatuod nga banhawon gayod ang mga patay.

Deuteronomio 26:2

pagkuha kamo ug bahin sa inyong unang abot, ug ibutang kini sa basket ug dad-a sa dapit nga pilion sa Ginoo nga inyong Dios diin pasidunggan ang iyang ngalan.

Gipadayag 14:4

Sila ang mga tawong wala nahugawan tungod wala gayod makighilawas sa mga babaye. Nagsunod sila sa Karnero bisan asa siya moadto. Sila ang mga tinubos gikan sa katawhan aron mahimong una nga mga halad ngadto sa Dios ug sa Karnero.