Levitico 10:19 - Ang Pulong sa Dios

¹⁹ Mitubag si Aaron kang Moises, “Ganina naghalad ang akong mga anak nga lalaki sa ilang halad sa paghinlo ug sa ilang halad nga sinunog, apan namatay silang duha. Sa ingon niini nga panghitabo malipay kaha ang Ginoo kon gikaon namo ang halad sa paghinlo karong adlawa?”

Ang Biblia 2011

¹⁹ Ug si Aaron miingon kang Moises, “Tan-awa, naghalad sila karon sa ilang halad tungod sa sala, ug sa ilang halad nga sunogon sa atubangan sa Ginoo, apan nahitabo kanako kining mga butanga! Kon nakakaon pa ako karon sa halad tungod sa sala, dawaton ba kaha kini sa Ginoo?”

Maayong Balita Biblia

¹⁹ Si Aaron mitubag kang Moises, “Bisan tuod kon gihalad nila karon ang ilang halad tungod sa sala ug ang halad nga sunogonon sa atubangan sa Ginoo, nahiagom gihapon ako niini nga makalilisang nga mga butang! Kon nakakaon pa ako sa halad tungod sa sala, ikahimuot ba kaha kini sa Ginoo?”

Ang Bag-ong Maayong Balita Biblia

¹⁹ Si Aaron mitubag kang Moises, “Bisan tuod kon gihalad nila karon ang ilang halad tungod sa sala ug ang halad nga sunogonon sa atubangan sa Ginoo, nahiagom gihapon ako niini nga makalilisang nga mga butang! Kon nakakaon pa ako sa halad tungod sa sala, ikahimuot ba kaha kini sa Ginoo?”

Levitico 10:19 Cross References

Isaias 1:11

Miingon ang  Ginoo, “Walay bili alang kanako ang daghan ninyong mga halad. Gipul-an na ako sa inyong mga halad nga sinunog, sa mga karnero ug sa tambok sa mga mananap nga inyong gipatambok. Wala ako malipay sa hinalad ninyong dugo sa mga torong baka, mga karnero, ug mga kanding.

Isaias 1:15

Kon ibayaw ninyo ang inyong mga kamot sa pag-ampo dili ako manumbaling kaninyo. Dili ako mamati bisan pag kapila kamo mag-ampo, tungod kay daghan kamog gipamatay nga mga tawo.

Jeremias 14:12

Bisan magpuasa pa sila, dili ko paminawon ang ilang pagpangayog tabang kanako. Bisan ug maghalad pa silag halad nga sinunog ug halad sa pagpasidungog kanako, dili ko kini dawaton. Pamatyon ko hinuon sila pinaagi sa gira, kagutom, ug mga katalagman.”

Jeremias 6:20

Walay bili kanako ang gihalad nila nga insenso nga gikan pa sa Sheba, o ang mga pahumot nga gikan pa sa layong dapit. Dili ko dawaton ang ilang mga halad nga sinunog. Ang ilang mga halad dili makapalipay kanako.”

Oseas 9:4

Dili na kamo tugotan nga maghalad ug bino ngadto sa Ginoo. Ang inyong mga halad dili makalipay kaniya. Si bisan kinsa nga mokaon niana nga mga halad isipon nga mahugaw, kay nahisama kana sa pagkaon sa namatyan. Ang inyong pagkaon alang lang sa inyong kaugalingon; dili kana mahimong ihalad sa Templo sa Ginoo.

Levitico 10:20

Miuyon si Moises sa tubag ni Aaron.

Levitico 9:12

Unya giihaw usab ni Aaron ang mananap isip halad nga sinunog. Ang dugo niini gidala sa iyang mga anak nga lalaki kaniya, ug gisablig niya kini palibot sa halaran.

Levitico 9:8

Busa mipaduol sa halaran si Aaron ug giihaw niya ang nating torong baka isip halad sa paghinlo.

Malaquias 1:10

Miingon pa gayod ang  Ginoo nga Makagagahom, “Unta adunay usa kaninyong mga pari nga mosira sa mga pultahan sa akong templo, aron dili na kamo maghaling ug kalayo nga walay kapuslanan diha sa akong halaran. Dili ko dawaton ang inyong mga halad, tungod kay wala ako malipay kaninyo.

Malaquias 1:13

Ug nag-ingon pa kamo nga napul-an na kamo sa paghalad kanako, ug gipakawalay-bili ninyo ang akong halaran. Mao kanay hinungdan nga gihalaran lang ninyo ako ug mga mananap nga samaron, bakol, o masakiton. Nagdahom ba kamo nga dawaton ko kini?

Malaquias 2:13

Ania pay lain ninyong gibuhat. Nagsige kamog hilak ug kusog diha sa halaran sa Ginoo kay wala na niya tagda o ikalipay ang inyong mga halad.

Deuteronomio 12:7

Ug didto, mangaon kamo ug ang inyong pamilya sa presensya sa Ginoo nga inyong Dios, ug maglipay sa tanan nga inyong nahimo tungod kay gipanalanginan kamo sa Ginoo.

Deuteronomio 26:14

Wala ako mokaon sa ikapulo samtang nagsubo ako; wala ko kini hikapa samtang giisip ako nga hugaw, ug wala ko kini ihalad sa patay. O Ginoo nga akong Dios, gituman ka nako. Gihimo ko ang tanang gisugo mo kanamo.

Mga Taga-Filipos 4:4

Paglipay kamo kanunay diha sa Ginoo. Sublion ko, paglipay kamo!

Mga Hebreo 7:27

Lahi siya sa uban nga mga pangulong pari nga kinahanglang maghalad matag adlaw, una alang sa ilang kaugalingon nga sala, ug pagkahuman alang sa mga sala sa katawhan. Apan si Jesus kausa lang gayod naghalad. Gihalad niya ang iyang kaugalingon didto sa krus ug wala na gayod niya kini usba pa.

Mga Hebreo 9:8

Pinaagi niini gitudloan kita sa Espiritu Santo nga ang yano nga mga tawo dili gayod makasulod sa Labing Balaang Dapit samtang nagbarog pa ang daang Tolda nga Pagsimbahan.