Juan 5:38 - Ang Pulong sa Dios

³⁸ ug wala pud ninyo dawata ang iyang pulong, tungod kay wala kamo motuo kanako nga iyang gipadala.

Ang Biblia 2011

³⁸ Ug ang iyang pulong wala magpabilin diha kaninyo kay kamo wala man motuo kaniya nga iyang gipadala.

Maayong Balita Biblia

³⁸ busa ang iyang mga pulong wala magpabilin diha kaninyo kay wala man kamo motuo sa iyang sinugo.

Ang Bag-ong Maayong Balita Biblia

³⁸ busa ang iyang mga pulong wala magpabilin diha kaninyo kay wala man kamo motuo sa iyang sinugo.

Juan 5:38 Cross References

Salmo 119:11

Tipigan ko ang imong mga pulong sulod sa akong kasing-kasing aron dili ako makasala kanimo.

Isaias 26:10

Bisan ginakaloy-an mo ang daotang mga tawo, wala gihapon sila makakat-on sa pagkinabuhi nga matarong. Bisan nagpuyo sila sa yuta sa mga matarong, nagpadayon gihapon sila sa paghimo ug daotan, ug wala sila moila sa imong pagkagamhanan.

Isaias 49:7

Miingon ang  Ginoo, ang Manluluwas ug Balaang Dios sa Israel, ngadto sa tawo nga gikalagotan ug gitamay sa mga nasod, ug alagad sa mga pangulo, “Makita sa mga hari kon kinsa gayod ikaw ug manindog sila sa pagtahod kanimo. Ang mga pangulo moyukbo sa pagpasidungog kanimo. Mahitabo kini tungod kanako, ang  Ginoo nga matinumanon, ang Balaan nga Dios sa Israel. Ako ang nagpili kanimo.”

Juan 1:11

Mianhi siya sa iyang kaugalingong katawhan, apan ang kadaghanan kanila wala modawat kaniya.

Juan 15:7

Kon magpabilin kamo kanako ug tipigan ninyo sa inyong mga kasing-kasing ang akong mga pulong, makapangayo kamo kanako bisan unsa nga inyong gusto, ug madawat ninyo kini.

Juan 8:37

Nahibalo ako nga mga kaliwat kamo ni Abraham, apan nagtinguha kamo sa pagpatay kanako tungod kay dili kamo modawat sa akong mga gitudlo.

Mga Taga-Colosas 3:16

Hinaut nga isil-sil gayod ninyo sa inyong alimpatakan ang mga pulong ni Cristo. Tudloi ug pahimangnoi ang usag usa sumala sa kaalam nga gikan sa Dios. Pag-awit kamo ug mga salmo, mga alawiton nga spirituhanon, ug uban pa nga mga awit mahitungod sa pagdayeg sa Dios sa kinasing-kasing nga pagpasalamat kaniya.

Josue 1:8

Ayaw gayod kalimti pagbasa ang Libro sa Kasugoan. Pamalandongi kini adlaw ug gabii aron mahibaloan mo kon unsaon pagtuman ang tanan nga nasulat niini. Ug sa ingon niini nga paagi, magmauswagon ka ug magmalampuson.

1 Juan 2:14

Nagsulat ako kaninyo, mga amahan, tungod kay nailhan na ninyo siya, nga anaa nang daan sukad pa sa sinugdanan. Nagsulat usab ako kaninyo, mga batan-on nga lalaki diha sa pagtuo, kay lig-on kamo. Gituman ninyo ang pulong sa Dios ug napildi na ninyo si Satanas.