Josue 7:11 - Ang Pulong sa Dios

¹¹ Nakasala ang Israel! Gilapas nila ang akong kasabotan. Nanguha sila sa mga butang nga gihalad na sa hingpit kanako. Gikawat nila kini, namakak sila bahin niini, ug giipon nila kini sa ilang mga kabtangan.

Ang Biblia 2011

¹¹ Ang Israel nakasala. Nakalapas sila sa akong kasabotan nga akong gisugo kanila. Ilang gikuha ang ubang butang nga ginahin. Nangawat sila ug namakak ug gitipon nila kini sa ilang kaugalingon mga butang.

Maayong Balita Biblia

¹¹ Nakasala ang Israel! Wala nila tumana ang kasabotan. Gikuha nila ang pipila ka butang nga gigahin aron laglagon. Gikawat nila kini ug namakak sila bahin niini ug gitipon nila kini sa ilang kaugalingong mga butang.

Ang Bag-ong Maayong Balita Biblia

¹¹ Nakasala ang Israel! Wala nila tumana ang kasabotan. Gikuha nila ang pipila ka butang nga gigahin aron laglagon. Gikawat nila kini ug namakak sila bahin niini ug gitipon nila kini sa ilang kaugalingong mga butang.

Josue 7:11 Cross References

2 Mga Hari 18:12

Nahitabo kini sa mga taga-Israel tungod kay wala sila motuman sa Ginoo nga ilang Dios, gilapas hinuon nila ang kasabotan sa Ginoo kanila nga mao ang tanang sugo nga gihatag sa Ginoo pinaagi sa iyang alagad nga si Moises. Wala sila mamati o motuman niini.

2 Mga Hari 5:24

Pag-abot ni Gehazi sa bungtod, gikuha niya sa mga sulugoon ang duha ka sudlanan ug gipalakaw sila. Gidala niya kadto sa balay ug gitagoan,

Isaias 24:5

Gihugaw-hugawan ang kalibotan sa mga lumulupyo niini, tungod kay wala nila tumana ang mga kasugoan ug mga tulomanon sa Dios. Gilapas nila ang walay kataposan nga kasabotan sa Dios kanila.

Jeremias 31:32

ug dili kini sama niadtong unang kasabotan nga akong gihimo sa ilang mga katigulangan sa dihang gigiyahan ko sila pagawas gikan sa Ehipto. Gipakawalay-bili nila ang maong kasabotan bisan ug nahisama ako sa usa ka bana ngadto kanila. Ako, ang  Ginoo, ang nag-ingon niini.”

Oseas 6:7

Sama kang Adan, gipakawalay-bili ninyo ang akong kasabotan kaninyo. Nagluib kamo kanako diha sa inyong dapit.

Levitico 5:15

Kon ang usa ka tawo makalapas sa sugo sa Ginoo tungod kay wala niya mahatag ang butang nga alang unta sa Ginoo, bisan wala niya tuyoa, kinahanglan nga maghalad siya ug laking karnero nga walay depekto isip bayad sa iyang sala. O bayran niya ug salapi ang kantidad sa karnero basi sa gibug-aton sa pilak diha sa kilohan nga ginagamit sa mga pari. Kini nga karnero halad isip bayad sa sala.

Habacuc 2:6

“Dili ba tamayon man siya sa tanan inubanan sa pagbugal-bugal ug panghimaraot. Nag-ingon, ‘Alaot sila nga nagtigom sa kinawat nga mga butang ug nagpadato pinaagi sa pangilkil. Hangtod kanus-a man sila magpadayon.’

Zacarias 5:4

Miingon ang  Ginoo nga Makagagahom, ‘Ipadala ko kining tunglo ug mosulod kini sa balay sa kawatan ug sa balay sa nanumpa ug bakak ginamit ang akong ngalan. Magpabilin kini diha kanila hangtod nga mangalumpag ang ilang mga balay sa hingpit.’ ”

Mateo 22:21

Mitubag sila, “Iya sa Emperador.” Busa miingon si Jesus kanila, “Kon mao kana, ihatag ninyo sa Emperador ang iya sa Emperador, ug sa Dios ang iya sa Dios.”

Mga Buhat 5:9

Busa miingon si Pedro kaniya, “Nganong nagkauyon man kamong magtiayon nga sulayan ang Espiritu sa Ginoo? Tan-awa, anaa na sa pultahan ang mga batan-on nga naglubong sa imong bana, ug ikaw ila usab karong dayongan ug ilubong.”

Deuteronomio 17:2

“Pananglitan ang usa ka lalaki o babaye nga nagpuyo sa usa sa mga lungsod nga ginahatag kaninyo sa Ginoo nasakpan nga naghimo ug daotan atubangan sa Ginoo nga inyong Dios. Gilapas niya ang kasabotan sa Ginoo,

Mga Hebreo 4:13

Walay makatago gikan sa Dios; ang tanan makita niya ug dayag gayod sa iyang panan-aw, ug kaniya kita mohatag ug husay sa atong mga binuhatan.

Josue 23:16

Mahitabo kini kon molapas kamo sa kasabotan sa Ginoo nga inyong Dios nga iyang gipatuman kaninyo, ug kon mosimba kamo ug moalagad sa ubang mga dios, ipatagamtam gayod niya kaninyo ang iyang kasuko. Ug sulod sa mubo kaayong panahon, mangamatay kamong tanan dinhi niining maayo nga yuta nga iyang gihatag kaninyo.”

Josue 7:1

Apan gilapas gayod sa mga Israelinhon ang sugo sa Ginoo nga dili manguha sa bisan unsa nga gihalad na sa hingpit sa Ginoo. Nanguha si Acan sa mga butang nga dili angay kuhaon, busa nasuko pag-ayo ang Ginoo kanila. Kini si Acan anak ni Carmi. Si Carmi anak ni Zabdi. Si Zabdi anak ni Zera. Kini sila sakop sa tribo ni Juda.

Josue 7:10

Miingon ang Ginoo kang Josue, “Tindog! Nganong naghapa ka man?

Mga Maghuhukom 2:20

Busa nasuko pag-ayo ang Ginoo kanila. Miingon ang Ginoo, “Tungod kay gilapas niini nga nasod ang akong kasabotan nga gihatag ngadto sa ilang mga katigulangan, ug wala sila motuman kanako,

1 Samuel 14:38

Busa miingon si Saulo sa mga pangulo sa katawhan sa Israel, “Dali kamo dinhi, ug magpakisayod kita kon unsa ang sala nga atong nahimo niining adlawa.