Josue 5:12 - Ang Pulong sa Dios

¹² Sukad niadto miundang na ang pagpangahulog sa manna, ug wala nay manna ang mga Israelinhon. Ang ilang pagkaon sukad niadtong tuiga mao na ang mga abot gikan sa yuta sa Canaan.

Ang Biblia 2011

¹² Ug ang mana nahunong sa adlaw nga nangaon sila sa abot sa yuta, ug ang katawhan sa Israel wala nay mana, apan nangaon sa abot sa yuta sa Canaan niadtong tuiga.

Maayong Balita Biblia

¹² Unya mihunong pag-ulan ug mana ug wala na makabaton niini ang mga Israelita. Sugod niadtong tuiga nagkaon na silag pagkaon nga abot sa Canaan.

Ang Bag-ong Maayong Balita Biblia

¹² Unya mihunong pag-ulan ug mana ug wala na makabaton niini ang mga Israelita. Sugod niadtong tuiga nagkaon na silag pagkaon nga abot sa Canaan.

Josue 5:12 Cross References

Exodo 16:35

Mikaon ang mga Israelinhon ug manna sulod sa 40 ka tuig, hangtod nakaabot sila sa yuta sa Canaan.

Mga Panultihon 13:22

Ang bahandi sa maayo nga tawo mapanunod sa iyang mga apo, apan ang bahandi sa makasasala mapanag-iya sa mga matarong.

Numeros 15:19

ug sa dihang makakaon na kamo sa abot niini, kinahanglan maggahin kamo gikan niini aron ihalad kanako.

Juan 4:38

Sama kamo sa mga mag-aani nga akong gipadala aron mangani sa mga anihonon nga dili kamo ang nagtanom. Kay lahi ang nagtudlo kanila kaniadto, ug kamo ang nakapulos sa ilang hinagoan.”

Josue 5:11

Pagkaugma, nangaon sila sa mga abot gikan niadtong yutaa: sinanlag nga trigo ug pan nga walay patubo.