Josue 4:3 - Ang Pulong sa Dios

³ ug sugoa sila nga magkuha ang matag-usa kanila ug tagsa ka bato taliwala sa Suba sa Jordan, didto gayod mismo sa gitindogan sa mga pari, ug dad-on nila kini sa dapit diin kamo magkampo karong gabhiona.”

Ang Biblia 2011

³ ug sugoa sila, ‘Pagkuha kamo ug napulo ug duha ka bato taliwala sa Jordan, sa dapit diin didto nagtindog ang mga pari ug dad-a ninyo ug ibutang sa dapit nga inyong katulgan karong gabii.’ ”

Maayong Balita Biblia

³ ug sugoa sila sa pagkuhag 12 ka bato taliwala sa Jordan, sa dapit gayod nga gitindogan sa mga pari. Dad-a ninyo kini ug ipahimutang sa dapit nga kampohan ninyo karong gabii.”

Ang Bag-ong Maayong Balita Biblia

³ ug sugoa sila sa pagkuhag 12 ka bato taliwala sa Jordan, sa dapit gayod nga gitindogan sa mga pari. Dad-a ninyo kini ug ipahimutang sa dapit nga kampohan ninyo karong gabii.”

Josue 4:3 Cross References

Genesis 28:22

Kining bato nga akong gipatindog isip usa ka handomanan magpamatuod sa imong presensya niini nga dapit. Ug ihatag ko kanimo ang ikapulo sa tanan nga ihatag mo kanako.”

Salmo 103:2

Dayegon ko gayod ang  Ginoo, ug dili ko gayod kalimtan ang iyang kaayo.

Salmo 11:4

Anaa ang  Ginoo sa iyang balaan nga templo; naghari siya gikan sa iyang trono didto sa langit. Ginatan-aw niya ug ginasusi ang tanang mga tawo.

Lucas 19:40

Miingon si Jesus kanila, “Sa pagkatinuod, kon mohilom sila, ang mga bato mao ang mosinggit sa mga pagdayeg.”

Josue 24:27

Unya miingon si Josue sa tanang mga tawo, “Kining bato mao ang atong saksi sa dihang nakigsulti ang Ginoo kanato. Mahimo kining saksi batok kaninyo kon dili kamo motuman sa inyong gisulti sa inyong Dios.”

Josue 3:13

Sa dihang motunob na sa tubig ang mga pari nga nagdayong sa Sudlanan sa Ginoo nga naggahom sa tibuok kalibotan, mohunong pagdagayday ang tubig sa Suba sa Jordan. Ang tubig nga gikan sa ibabaw mopundo sa usa ka dapit.”

Josue 4:4

Busa gitawag ni Josue ang 12 ka mga tawo nga iyang gipili gikan sa matag tribo sa Israel, ug iya silang giingnan,

Josue 4:8

Gituman sa 12 ka mga Israelinhon ang gisugo kanila ni Josue. Sumala sa giingon sa Ginoo kang Josue, nagkuha sila ug 12 ka mga bato taliwala sa suba sa Jordan, usa ka bato alang sa matag tribo sa Israel. Gidala nila ang maong mga bato sa dapit nga ilang gikampohan ug gipahimutang kini didto.

1 Samuel 7:12

Unya mikuha si Samuel ug bato ug gibutang sa tunga-tunga sa Mizpa ug Shen. Ginganlan niya kinig Ebenezer kay miingon siya, “Hangtod karon ginatabangan kami sa Ginoo.”