Josue 4:13 - Ang Pulong sa Dios

¹³ Kining 40,000 ka mga armadong kalalakin-an miagi sa presensya sa Ginoo ug miadto sa kapatagan sa Jerico aron sa pagpakig-gira.

Ang Biblia 2011

¹³ Mga 40,000 nga sangkap sa hinagiban alang sa gubat ang nanabok sa atubangan sa Ginoo ngadto sa panggubatan, ngadto sa mga kapatagan sa Jerico.

Maayong Balita Biblia

¹³ Samtang nagtan-aw ang Ginoo, mga 40,000 ka lalaki nga andam sa pagpakiggubat ang nanabok sa kapatagan duol sa Jerico.

Ang Bag-ong Maayong Balita Biblia

¹³ Samtang nagtan-aw ang Ginoo, mga 40,000 ka lalaki nga andam sa pagpakiggubat ang nanabok sa kapatagan duol sa Jerico.

Josue 4:13 Cross References

2 Mga Hari 25:5

apan gigukod sila sa mga taga-Babilonia ug naapsan sila sa kapatagan sa Jerico. Nagkatibulaag ang tanang sundalo ni Zedekia,

Exodo 13:18

Busa gipalibot sila sa Dios sa kamingawan paingon sa Pulang Dagat. Armado ang mga Israelinhon alang sa gira paghawa nila sa Ehipto.

Jeremias 39:5

Apan gigukod sila sa mga sundalo sa Babilonia, ug naapsan sila didto sa kapatagan sa Jerico. Gidakop nila si Zedekia ug gidala kang Haring Nebucadnezar didto sa Ribla, sa yuta sa Hamat, ug didto gihukman siya ni Nebucadnezar.

Jeremias 52:8

Gigukod sila sa mga sundalo sa Babilonia, ug naapsan sila didto sa kapatagan sa Jerico. Nagkatibulaag ang tanang mga sundalo ni Zedekia

Numeros 32:17

Apan andam kami sa pagpanguna sa among isigka-Israelinhon sa pagpakig-gira hangtod nga madala namo sila sa ilang dapit. Samtang nagpakig-gira kami, ang among mga kababayen-an ug kabataan magpabilin sa pinarilan nga mga lungsod nga among tukoron, aron mahilikay sila sa mga lumulupyo niini nga dapit.

Mga Taga-Efeso 6:11

Isul-ob ninyo ang tanang kahimanan sa gubat sa Ginoo aron makasukol kamo sa mga paglipat-lipat sa Yawa.

Deuteronomio 3:18

Niadtong higayona gimandoan ko ang inyong mga tribo nga nagpuyo sa sidlakan sa Jordan, “Bisan gihatag na kaninyo sa Ginoo nga inyong Dios kining yutaa aron inyong panag-iyahan, kinahanglan nga ang tanan ninyong mga sundalo nga armado motabok sa Suba sa Jordan aron motabang sa pag-ilog ug andam sa pagpanalipod sa inyong isigka-Israelinhon.

Josue 4:12

Ang mga armadong lalaki nga gikan sa tribo ni Ruben, ni Gad, ug katunga sa tribo ni Manases miuna pagtabok sumala sa gisugo ni Moises kanila.

Josue 4:14

Nianang adlawa, gipasidunggan sa Ginoo si Josue atubangan sa mga Israelinhon. Ug gitahod si Josue sa mga tawo sa tibuok niyang kinabuhi sama sa gihimo nila ngadto kang Moises.

Josue 5:10

Samtang nagkampo ang mga Israelinhon sa Gilgal, sa kapatagan sa Jerico, gisaulog nila ang Pista sa Paglabay sa Anghel sa gabii sa ika-14 nga adlaw sa unang bulan.

Mga Maghuhukom 20:1

Ang tanang mga Israelinhon, gikan sa Dan hangtod sa Beersheba ug gikan sa Gilead nagtigom sa Mizpa, atubangan sa Ginoo.