Josue 3:11 - Ang Pulong sa Dios

¹¹ Siguradohon ninyo nga ang Sudlanan sa Kasabotan sa Ginoo nga naggahom sa tibuok kalibotan mag-una kaninyo samtang nagtabok kamo sa Suba sa Jordan.

Ang Biblia 2011

¹¹ Tan-awa, ang sudlanan sa kasabotan sa Ginoo sa tibuok nga kalibotan moagi sa inyong atubangan ngadto sa Jordan.

Maayong Balita Biblia

¹¹ Ang Sudlanan sa Kasabotan sa Ginoo sa tibuok kalibotan mag-una kaninyo pagtabok sa Jordan.

Ang Bag-ong Maayong Balita Biblia

¹¹ Ang Sudlanan sa Kasabotan sa Ginoo sa tibuok kalibotan mag-una kaninyo pagtabok sa Jordan.

Josue 3:11 Cross References

1 Cronicas 29:11

Gamhanan ikaw, talahuron, dungganon, halangdon, ug dalaygon. Imo ang tanang mga butang sa langit ug sa yuta. Ikaw ang hari, Ginoo, ug labaw ka sa tanan.

Job 41:11

Kinsay makaingon nga aduna akoy utang kaniya? Akoy tag-iya sa tanang butang dinhi sa kalibotan.

Salmo 24:1

Ang tibuok kalibotan ug ang tanang anaa niini iya sa Ginoo.

Salmo 97:5

Natunaw nga daw kandila ang kabukiran diha sa presensya sa Ginoo, ang Ginoo nga naggahom sa tibuok kalibotan.

Isaias 3:12

Gidaog-daog sa mga batan-on ang akong katawhan. Gidumalahan sila sa mga babaye. Mga katawhan ko, gipahisalaag kamo sa inyong mga pangulo. Gitultolan nila kamo sa sayop nga dalan.

Isaias 54:5

Kay ako nga imong Magbubuhat mahimong ingon sa usa ka bana kanimo. Makagagahom nga Ginoo ang akong ngalan. Ako, ang Balaan nga Dios sa Israel mao ang imong Manluluwas. Gitawag ako nga ‘Dios sa tibuok kalibotan.’

Jeremias 10:7

Kinsay dili motahod kanimo, O Hari sa mga nasod? Takos ka nga tahoron. Wala gayoy sama kanimo sa tanang mga tawong maalamon sa nagkalain-laing mga nasod, ug sa tanan nilang mga hari.

Miqueas 4:13

Miingon ang Ginoo, “Mga lumulupyo sa Zion, lakaw kamo ug laglaga ninyo sa hingpit ang inyong mga kaaway nga daw sa gagiok kamo ug mga uhay. Kay himuon ko kamong sama sa torong baka nga adunay puthaw nga mga sungay ug adunay bronsi nga mga kuko. Dugmokon ninyo ang daghang mga nasod, ug ang ilang mga bahandi nga nakuha nila pinaagi sa kabangis ihalad ninyo kanako, ang Ginoong makagagahom sa tibuok kalibotan.”

Sofonias 2:11

Ang Ginoo mahimong kahadlokan alang kanila sa dihang gun-ubon na niya ang mga dios sa kalibotan. Ang mga nasod sa halayo moluhod kaniya, silang tanan didto sa ilang mga yuta.

Zacarias 14:9

Ang Ginoo ang mahimong hari sa tibuok kalibotan. Siya lang ang ilhon nga Dios ug wala nay lain pa.

Zacarias 4:14

Busa miingon siya, “Nagkahulogan kana sa duha ka tawo nga gipili aron sa pag-alagad sa Ginoo nga naggahom sa tibuok kalibotan.”

Zacarias 6:5

Mitubag ang anghel, “Kini sila mao ang upat ka hangin sa kalangitan nga migawas gikan sa presensya sa Ginoo nga naggahom sa tibuok kalibotan.

Deuteronomio 9:3

Apan karon makita ninyo nga ang Ginoo nga inyong Dios mag-una kaninyo sa pagtabok. Sama siya sa kalayo nga molamoy sa inyong mga kaaway. Pildihon niya sila aron sayon ninyo silang mapapahawa ug malaglag sumala sa gisaad sa Ginoo kaninyo.

Josue 3:13

Sa dihang motunob na sa tubig ang mga pari nga nagdayong sa Sudlanan sa Ginoo nga naggahom sa tibuok kalibotan, mohunong pagdagayday ang tubig sa Suba sa Jordan. Ang tubig nga gikan sa ibabaw mopundo sa usa ka dapit.”