Josue 24:18 - Ang Pulong sa Dios

¹⁸ Ug samtang nagpadulong kita niining yutaa, gipaabog sa Ginoo kanato ang mga Amorihanon ug ang uban nga mga nasod nga nagpuyo dinhi. Busa mag-alagad usab kami sa Ginoo, kay siya ang among Dios.”

Ang Biblia 2011

¹⁸ Ug ang Ginoo nag-abog sa tanang mga katawhan gikan sa atong atubangan, ang mga Amorihanon nga nagpuyo sa yuta, busa kami usab mag-alagad sa Ginoo kay siya mao ang among Dios.”

Maayong Balita Biblia

¹⁸ Sa atong pagdasdas, giabog sa Ginoo ang katawhan, ang mga Amorihanon nga nagpuyo sa kayutaan. Busa mag-alagad usab kami sa Ginoo, kay siya amo mang Dios.”

Ang Bag-ong Maayong Balita Biblia

¹⁸ Sa atong pagdasdas, giabog sa Ginoo ang katawhan, ang mga Amorihanon nga nagpuyo sa kayutaan. Busa mag-alagad usab kami sa Ginoo, kay siya amo mang Dios.”

Josue 24:18 Cross References

Salmo 116:16

Ginoo, ubos mo ako nga alagad. Giluwas mo ako sa pagkabihag.

Exodo 10:2

ug aron ikasulti ninyo sa inyong mga anak ug mga apo kon giunsa ko pagsilot ang mga Ehiptohanon, ug kon unsa ang mga milagro nga gihimo ko taliwala kanila. Niining paagiha mahibaloan ninyo nga ako mao ang Ginoo.”

Exodo 15:2

“Ang Ginoo mao ang naghatag kanako ug kusog, ug siya ang akong awit. Siya ang nagluwas kanako. Siya ang akong Dios, ug dayegon ko siya. Siya ang Dios sa akong amahan, ug pasidunggan ko siya.

Exodo 23:31

“Siguradohon ko nga ang utlanan sa inyong mga yuta maggikan sa Pulang Dagat hangtod sa Dagat sa Mediteraneo, ug gikan sa disyerto sa habagatan hangtod sa Suba sa Eufrates. Itugyan ko kaninyo ang mga tawo nga namuyo sa maong yuta ug abugon ninyo sila.

Miqueas 4:2

Daghang kanasoran ang muduol ug moingon, “Dali, motungas kita sa bukid sa Ginoo, didto sa Templo sa Dios ni Jacob. Kay tudloan kita niya sa iyang mga pamaagi aron matuman nato kini.” Busa mopauli ang mga tawo gikan sa Jerusalem dala ang mga kasugoan sa Ginoo.

Zacarias 8:23

“Ug nianang panahona, napulo ka tawo nga gikan sa ubang mga nasod ug nagkalain-laing pinulongan ang moadto sa usa ka Judio ug moingon, ‘Gusto gayod kaming mouban kaninyo, tungod kay nadunggan namo nga ang Dios nag-uban kaninyo.’ ”

Mga Buhat 7:45

Sa dihang nangamatay na ang atong mga katigulangan, ang ilang mga anak mao na usab ang nagdala sa tolda. Ang ilang pangulo mao si Josue. Naangkon nila ang mga yuta nga gisaad sa Dios human gipapahawa sa Dios ang mga tawo nga nagpuyo niadtong mga dapita. Ug didto nagpabilin ang tolda nga gidala-dala sa mga Israelinhon hangtod sa panahon nga si David ang nahimong hari.

Deuteronomio 10:21

Dayega ninyo siya, kay siya ang inyong Dios nga naghimo sa katingalahang mga butang nga inyo mismong nakita.

Deuteronomio 33:27

Ang walay kataposan nga Dios mao ang inyong dalangpanan; tabangan niya kamo sa iyang walay kataposan nga gahom. Abugon niya ang inyong mga kaaway sa inyong atubangan, ug mosugo siya kaninyo sa paglaglag kanila.

Josue 23:9

“Gipaabog sa Ginoo kaninyo ang mga nasod nga dagko ug gamhanan, ug hangtod karon wala pa gayoy bisan usa nga nakapildi kaninyo.

Josue 24:17

Ang Ginoo nga atong Dios mao ang nagpagawas kanato ug sa atong mga katigulangan gikan sa pagkaulipon didto sa Ehipto. Nakita usab nato ang mga milagro nga iyang gihimo. Gipanalipdan niya kita sa atong paglakaw taliwala sa tanang kanasoran nga atong giagian.

Josue 24:19

Miingon si Josue sa mga tawo, “Dili kamo makaalagad sa Ginoo tungod kay balaan siya nga Dios ug dili niya gusto nga aduna kamoy lain nga simbahon. Dili niya palabyon ang inyong kalapasan ug mga sala.