Josue 23:16 - Ang Pulong sa Dios

¹⁶ Mahitabo kini kon molapas kamo sa kasabotan sa Ginoo nga inyong Dios nga iyang gipatuman kaninyo, ug kon mosimba kamo ug moalagad sa ubang mga dios, ipatagamtam gayod niya kaninyo ang iyang kasuko. Ug sulod sa mubo kaayong panahon, mangamatay kamong tanan dinhi niining maayo nga yuta nga iyang gihatag kaninyo.”

Ang Biblia 2011

¹⁶ Kon kamo makalapas sa kasabotan sa Ginoo nga inyong Dios nga iyang gisugo kaninyo, ug moadto ug mag-alagad kamo sa laing mga dios ug moyukbo kamo kanila, ang kasuko sa Ginoo mosilaob batok kaninyo ug kamo mangahanaw sa kalit gikan niining maayong yuta nga iyang gihatag kaninyo.”

Maayong Balita Biblia

¹⁶ Apan kon dili ninyo tumanon ang kasabotan nga gisugo kaninyo sa Ginoo nga inyong Dios o kon mangadto kamo ug moalagad sa laing dios ug moyukbo kanila, silotan gayod kamo niya hangtod nga walay usa kaninyo nga mahibilin niining maayong yuta nga iyang gihatag kaninyo.”

Ang Bag-ong Maayong Balita Biblia

¹⁶ Apan kon dili ninyo tumanon ang kasabotan nga gisugo kaninyo sa Ginoo nga inyong Dios o kon mangadto kamo ug moalagad sa laing dios ug moyukbo kanila, silotan gayod kamo niya hangtod nga walay usa kaninyo nga mahibilin niining maayong yuta nga iyang gihatag kaninyo.”

Josue 23:16 Cross References

1 Mga Hari 14:15

Silotan sa Ginoo ang Israel nga daw tigbaw nga gilamba-lamba sa sulog sa tubig. Ibton niya sila gikan niining maayong yuta nga iyang gihatag sa ilang mga katigulangan, ug patibulaagon ngadto sa unahan sa Suba sa Eufrates tungod kay gipalagot nila siya sa dihang naghimo sila ug mga poste nga simbolo sa diosa nga sa Ashera.

1 Mga Hari 9:6

“Apan kon motalikod ka o ang imong mga kaliwat kanako ug dili kamo motuman sa mga sugo ug mga tulomanon nga gihatag ko kaninyo, ug kon moalagad ug mosimba kamo sa ubang mga dios,

1 Mga Hari 9:7

papahawaon ko kamo sa yuta nga gihatag ko kaninyo, ug isalikway ko kining Templo nga gipili ko ingon nga dapit diin pasidunggan ako. Unya biay-biayon ug bugal-bugalan sa tanang mga tawo ang Israel.

2 Mga Hari 17:7

Nahitabo kini sa mga taga-Israel tungod kay nakasala sila sa Ginoo nga ilang Dios nga maoy nagpagawas kanila gikan sa Ehipto ug nagluwas kanila gikan sa mga kamot sa Paraon nga hari sa Ehipto. Misimba sila sa ubang mga dios

2 Mga Hari 24:20

Busa gipapahawa sa Ginoo ang mga taga-Jerusalem ug ang mga taga-Juda sa ilang dapit pahilayo sa iyang presensya. Nahitabo kini tungod sa kasuko sa Ginoo kanila. Nagrebelde si Zedekia batok sa hari sa Babilonia.

Isaias 24:5

Gihugaw-hugawan ang kalibotan sa mga lumulupyo niini, tungod kay wala nila tumana ang mga kasugoan ug mga tulomanon sa Dios. Gilapas nila ang walay kataposan nga kasabotan sa Dios kanila.

Jeremias 32:23

Gipanag-iyahan nila kini, apan wala sila motuman sa imong mga balaod ug sa tanan mong gipabuhat kanila. Busa gipadad-an mo sila niining mga katalagman.

Jeremias 32:24

“Ug karon nagtapok ug yuta ang mga taga-Babilonia sa kilid sa paril sa Jerusalem aron makasaka sila niini ug mailog ang siyudad. Ug tungod sa gira, kagutom, ug balatian, mailog sa mga taga-Babilonia ang siyudad sumala sa imong giingon.

Numeros 33:56

Ug buhaton ko diha kaninyo ang akong planong buhaton kanila.”

Deuteronomio 17:3

ug gisupak niya ang iyang sugo pinaagi sa pagsimba sa mga dios o sa adlaw o sa bulan o sa mga bitoon.

Deuteronomio 28:15

“Apan kon dili kamo motuman sa Ginoo nga inyong Dios ug dili ninyo sundon ang tanan niyang mga pamalaod ug mga sugo nga ginahatag ko kaninyo karong adlawa, mahiagoman ninyo kining tanan nga panghimaraot:

Deuteronomio 6:15

kay ang Ginoo nga inyong Dios nga nagpuyo uban kaninyo dili buot nga aduna kamoy lain nga gisimba. Kon magsimba kamo sa laing dios mahiagom kamo sa kasuko sa Ginoo ug wagtangon niya kamo sa kalibotan.

Mga Maghuhukom 2:14

Tungod sa kasuko sa Ginoo sa Israel, gipasagdan niya sila nga sulongon sa mga tulisan aron kuhaon ang ilang mga kabtangan. Gipasagdan usab sila sa Ginoo nga mapildi sa kaaway sa ilang palibot, ug wala nila napanalipdi ang ilang kaugalingon batok sa mga kaaway.

Mga Maghuhukom 2:20

Busa nasuko pag-ayo ang Ginoo kanila. Miingon ang Ginoo, “Tungod kay gilapas niini nga nasod ang akong kasabotan nga gihatag ngadto sa ilang mga katigulangan, ug wala sila motuman kanako,

1 Samuel 12:25

Apan kon magpadayon kamo sa pagpakasala, kamo ug ang inyong hari laglagon.”