Josue 22:9 - Ang Pulong sa Dios

⁹ Ug unya namauli ang mga katawhan sa tribo nila ni Ruben, Gad, ug ang katunga sa tribo ni Manases. Gibiyaan nila ang ilang isigka-Israelinhon sa Silo, sa yuta sa Canaan, ug namauli sila sa Gilead, sa yuta nga nahimong ilang bahin sumala sa gisugo sa Ginoo pinaagi kang Moises.

Ang Biblia 2011

⁹ Busa ang mga Rubenhanon ug ang mga Gadhanon ug ang katunga sa banay ni Manases namauli ug mibiya gikan sa katawhan sa Israel didto sa Silo, sa yuta sa Canaan, aron sa pag-adto sa yuta sa Gilead, sa ilang kaugalingong yuta nga ilang napanag-iya sumala sa sugo sa Ginoo pinaagi kang Moises.

Maayong Balita Biblia

⁹ Busa namauli ang katawhan sa mga banay ni Ruben, ni Gad ug ang katunga sa banay ni Manases. Gibiyaan nila ang nahibiling katawhan sa Israel didto sa Silo, sa yuta sa Canaan ug nangadto sila sa yuta sa Gilead, ang ilang yuta nga gipanag-iya nila sumala sa sugo sa Ginoo pinaagi kang Moises.

Ang Bag-ong Maayong Balita Biblia

⁹ Busa namauli ang katawhan sa mga banay ni Ruben, ni Gad ug ang katunga sa banay ni Manases. Gibiyaan nila ang nahibiling katawhan sa Israel didto sa Silo, sa yuta sa Canaan ug nangadto sila sa yuta sa Gilead, ang ilang yuta nga gipanag-iya nila sumala sa sugo sa Ginoo pinaagi kang Moises.

Josue 22:9 Cross References

2 Samuel 2:9

Didto giproklamar ni Abner si Isboset nga hari sa tibuok Israel, apil na dinhi ang mga dapit sa Gilead, Ashuri, Jezreel, Efraim, Benjamin.

1 Cronicas 5:9

Ug tungod kay midaghan ang ilang kahayopan didto sa Gilead, nakaabot sila hangtod sa sidlakan, sa utlanan sa disyerto paingon sa Suba sa Eufrates.

Salmo 60:7

Akoa ang Gilead, ingon man ang Manases. Ang Efraim mao ang akong tigpanalipod ug ang Juda mao ang akong tigdumala.

Numeros 32:1

Ang mga tribo ni Ruben ug Gad adunay daghan kaayong kahayopan. Busa pagkakita nila nga ang yuta sa Jazer ug Gilead maayo nga dapit alang sa mga hayop,

Numeros 32:20

Unya miingon si Moises kanila, “Kon desidido gayod kamo atubangan sa Ginoo nga mouban sa pagpakig-gira,

Numeros 32:22

ug kon maangkon na sa hingpit ang yuta, nan, mahimo na kamong mobalik dinhi kay natuman na ninyo ang inyong obligasyon sa Ginoo ug sa inyong isigka-Israelinhon. Ug kini nga yuta mahimo nang inyo atubangan sa Ginoo.

Numeros 32:26

Magpabilin dinhi sa Gilead ang among mga asawa, mga kabataan, ug mga kahayopan.

Numeros 32:29

Miingon siya, “Kon desidido gayod atubangan sa Ginoo ang mga tribo ni Gad ug ni Ruben nga motabok sa Jordan sa pagpakig-gira, ug kon mailog na ninyo ang maong yuta, ihatag kanila ang yuta sa Gilead aron ilang mapanag-iya.

Deuteronomio 3:18

Niadtong higayona gimandoan ko ang inyong mga tribo nga nagpuyo sa sidlakan sa Jordan, “Bisan gihatag na kaninyo sa Ginoo nga inyong Dios kining yutaa aron inyong panag-iyahan, kinahanglan nga ang tanan ninyong mga sundalo nga armado motabok sa Suba sa Jordan aron motabang sa pag-ilog ug andam sa pagpanalipod sa inyong isigka-Israelinhon.

Deuteronomio 3:20

Kon maangkon na sa inyong isigka-Israelinhon ang yuta sa tabok sa Jordan nga ihatag kanila sa Ginoo nga inyong Dios, ug kon mahimutang na usab sila sama sa iyang gihimo kaninyo, makabalik na kamo sa yuta nga gihatag ko kaninyo.”

Deuteronomio 34:1

Gikan sa kapatagan sa Moab, mitungas si Moises sa Bukid sa Nebo, sa kinatumyan sa Pisga nga nag-atubang sa Jerico. Didto gipakita kaniya sa Ginoo ang tibuok nga yuta nga gikan sa Gilead paingon sa Dan,

Josue 13:11

Lakip usab ang Gilead ug ang mga yuta nga gipuy-an sa mga Geshusihanon ug mga Maacatihanon, ang tibuok nga Bukid sa Hermon, ug ang tibuok Basan hangtod sa Saleca.

Josue 13:25

Ang Jazer ug ang tanang mga lungsod sa Gilead, ug ang katunga sa yuta sa mga Amonihanon hangtod sa Aroer nga anaa sa atbang sa Raba.

Josue 13:31

Lakip usab ang katunga sa Gilead, ug ang Ashtarot ug Edrei, ang mga lungsod sa Basan sa gingharian ni Og. Mao kadto ang kayutaan nga gihatag ngadto sa katunga sa mga kaliwat ni Makir nga anak ni Manases, nga gibahin ngadto sa matag pamilya.

Josue 22:10

Pag-abot nila sa Gelilot, nga duol sa Suba sa Jordan, nga sakop pa sa Canaan, nagpatindog sila didto ug dakong halaran.

Mga Maghuhukom 20:1

Ang tanang mga Israelinhon, gikan sa Dan hangtod sa Beersheba ug gikan sa Gilead nagtigom sa Mizpa, atubangan sa Ginoo.

Mga Maghuhukom 5:17

Nagpabilin ang tribo ni Gad sa sidlakang bahin sa Jordan, ug ang tribo ni Dan nagpabilin sa pagtrabaho sa mga barko. Ang tribo ni Aser nagpabilin sa kabaybayonan duol sa dunggoanan sa mga barko.