Josue 22:30 - Ang Pulong sa Dios

³⁰ Nalipay si Pinehas nga pari ug ang mga pangulo sa mga pamilya sa katilingban sa Israel sa dihang nadungog nila ang giingon sa mga tribo nila ni Ruben, Gad, ug katunga sa tribo ni Manases.

Ang Biblia 2011

³⁰ Sa diha nga si Pinehas nga pari ug ang mga pangulo sa katilingban, ang mga pangulo sa mga panimalay sa Israel nga uban kaniya, nakadungog sa mga pulong nga gisulti sa mga Rubenhanon, sa mga Gadhanon ug sa mga Manasehanon, kini nakapahimuot kanila pag-ayo.

Maayong Balita Biblia

³⁰ Si Pinehas nga pari ug ang mga pangulo sa katilingban nga uban kaniya, ang mga pangulo sa mga pamilya sa Israel, nakadungog sa gisulti sa katawhan sa mga banay ni Ruben, ni Gad ug ni Manases ug nalipay sila.

Ang Bag-ong Maayong Balita Biblia

³⁰ Si Pinehas nga pari ug ang mga pangulo sa katilingban nga uban kaniya, ang mga pangulo sa mga pamilya sa Israel, nakadungog sa gisulti sa katawhan sa mga banay ni Ruben, ni Gad ug ni Manases ug nalipay sila.

Josue 22:30 Cross References

Genesis 28:8

Busa nakita ni Esau nga dili diay gusto sa iyang amahan ang mga babaye nga taga-Canaan.

2 Cronicas 30:4

Nagustohan sa hari ug sa tibuok katilingban ang plano sa pagsaulog sa pista,

Ester 1:21

Miuyon ang hari ug ang iyang mga opisyal sa giingon ni Memukan, busa gisunod kini sa hari.

Mga Panultihon 15:1

Ang malumanay nga tubag makahupay sa kasuko, apan ang singhag makapaalsa sa dugo.

Mga Buhat 11:18

Sa pagkadungog niadto sa mga magtutuo nga Judio, wala na sila manaway kang Pedro ug midayeg hinuon sila sa Dios. Miingon sila, “Kon mao kana, gihatag usab sa Dios sa mga dili Judio ang kahigayonan nga maghinulsol aron makadawat sila sa kinabuhi.”

Josue 22:29

“Dili namo mahimo ang pagsupak o pagtalikod sa Ginoo pinaagi sa pagpatindog ug among kaugalingong halaran aron halaran sa mga halad nga sinunog, mga halad sa pagpasidungog sa Ginoo, ug sa uban pang mga halad. Dili namo ibaylo ang halaran sa Ginoo nga atong Dios nga anaa atubangan sa iyang Tolda.”

Josue 22:31

Busa miingon si Pinehas nga anak sa pari nga si Eleazar ngadto kanila, “Nahibaloan nato karon nga ang Ginoo nag-uban kanato kay wala kamo mosupak kaniya. Giluwas ninyo ang Israel gikan sa silot sa Ginoo.”

Josue 22:33

Nalipay ang mga Israelinhon sa ilang nadungog ug midayeg sila sa Dios. Ug wala na sila maghisgot bahin sa ilang pagsulong sa kayutaan nga gipuy-an sa mga tribo nila ni Ruben ug Gad.

Mga Maghuhukom 8:3

Gitugyan sa Dios kaninyo ang mga pangulo sa mga Midianhon nga si Oreb ug si Zeeb. Unsa may akong nahimo nga mahimong ikatandi sa inyong nahimo?” Sa dihang gisulti kini ni Gideon, nahupay ang ilang kasuko.

1 Samuel 29:6

Busa gitawag ni Akish si David ug giingnan, “Nagsulti ako sa tinuod sa presensya sa buhi nga Ginoo nga masaligan ka gayod. Ug gusto ko gayod unta nga mokuyog ka kanako sa pagpakig-gira, tungod kay sukad sa adlaw nga miuban ka kanako hangtod karon wala gayod akoy nakitang daotan diha sa imong pagkatawo. Apan walay pagsalig kanimo ang ubang mga pangulo.