Josue 21:1 - Ang Pulong sa Dios

¹ Unya, ang mga pangulo sa mga kaliwat ni Levi miadto kang Eleazar nga pari, kang Josue nga anak ni Nun, ug sa mga pangulo sa matag tribo sa Israel

Ang Biblia 2011

¹ Unya miduol ang mga pangulo sa mga panimalay sa mga amahan sa mga Levihanon ngadto kang Eleasar nga pari ug ngadto kang Josue nga anak ni Nun ug ngadto sa mga pangulo sa mga panimalay sa mga katigulangan sa mga banay sa katawhan sa Israel.

Maayong Balita Biblia

¹ Ang mga pangulo sa mga pamilya sa mga Levita nangadto kang Eleazar nga pari ug kang Josue nga anak ni Nun ug sa mga pangulo sa mga pamilya sa tanang banay sa Israel.

Ang Bag-ong Maayong Balita Biblia

¹ Ang mga pangulo sa mga pamilya sa mga Levita nangadto kang Eleazar nga pari ug kang Josue nga anak ni Nun ug sa mga pangulo sa mga pamilya sa tanang banay sa Israel.

Josue 21:1 Cross References

Genesis 49:7

Panghimaraoton kamo tungod sa inyong mapintas nga kasuko. Patibulaagon ko ang inyong mga kaliwat sa Israel.

Exodo 6:14

Mao kini ang mga katigulangan nga lalaki sa mga panimalay nga kagikan sa mga tribo sa Israel: Ang mga anak sa kamagulangang anak ni Israel nga si Ruben mao sila si Hanoc, Palu, Hezron, ug Carmi. Sila ug ang ilang mga kaliwat mao ang mga pamilya nga naggikan kang Ruben.

Exodo 6:25

Si Eleazar nga anak ni Aaron naminyo sa usa sa mga anak ni Putiel. Ang ilang anak nga lalaki mao si Pinehas. Sila mao ang mga katigulangan sa mga pamilya nga naggikan kang Levi.

Numeros 35:1

Samtang nagkampo ang mga Israelinhon sa kapatagan sa Moab sa may daplin sa Jordan atbang sa Jerico, miingon ang Ginoo kang Moises,

Numeros 35:8

Kini nga mga lungsod maggikan sa mga yuta sa mga tribo sa Israel ug mag-agad sa gidak-on sa bahin sa matag tribo: ang dako nga tribo mohatag ug mas daghan nga lungsod ug ang gamay nga tribo mohatag ug pipila lang ka lungsod.”

Josue 14:1

Mao kini ang pagbahin-bahin sa uban pang kayutaan sa Canaan nga napanunod sa mga Israelinhon. Si Eleazar nga pari, Josue nga anak ni Nun, ug ang mga pangulo sa matag tribo sa Israel ang nagbahin niini.

Josue 17:4

Miadto sila kang Eleazar nga pari, kang Josue nga anak ni Nun, ug sa mga pangulo ug miingon, “Nagsugo ang Ginoo kang Moises nga hatagan kamig yuta sama sa gihimo niya sa uban namong mga paryenteng lalaki.” Busa gihatagan sila ug bahin sumala sa giingon sa Ginoo.

Josue 19:51

Ang nagbahin sa yuta mao sila si Eleazar nga pari, Josue nga anak ni Nun, ug ang mga pangulo sa matag tribo sa Israel. Gihimo nila kini pinaagi sa hulbot-hulbot diha sa presensya sa Ginoo didto sa Silo, sa pultahan sa Tolda nga Tagboanan. Ug nahuman nila ang pagbahin-bahin sa yuta.