Josue 20:9 - Ang Pulong sa Dios

⁹ Mao kini ang mga lungsod nga dalangpanan nga gipili alang sa mga Israelinhon ug sa mga langyaw nga nagpuyo uban kanila. Si bisan kinsa nga makapatay nga dili tinuyo makadangop didto, aron dili siya mapatay sa mga buot manimalos kaniya samtang wala pa mahusay ang iyang kaso atubangan sa katilingban.

Ang Biblia 2011

⁹ Kini mao ang mga piniling siyudad alang sa tanang katawhan sa Israel ug alang sa langyaw nga nagpuyo uban kanila, nga si bisan kinsa ang makapatay ug tawo nga dili tinuyo, makadangop didto ug dili mamatay gikan sa kamot sa manimalos sa dugo hangtod nga makatindog siya sa atubangan sa katilingban.

Maayong Balita Biblia

⁹ Mao kini ang mga siyudad nga dalangpanan nga gipili alang sa tanang katawhan sa Israel ug alang ni bisan kinsang langyaw nga nagpuyo uban kanila. Bisan kinsa nga makapatay nga wala tuyoa makadangop didto. Dili siya mapatay niadtong buot manimalos kaniya ug husayon siya didto sa atubangan sa katilingban.

Ang Bag-ong Maayong Balita Biblia

⁹ Mao kini ang mga siyudad nga dalangpanan nga gipili alang sa tanang katawhan sa Israel ug alang ni bisan kinsang langyaw nga nagpuyo uban kanila. Bisan kinsa nga makapatay nga wala tuyoa makadangop didto. Dili siya mapatay niadtong buot manimalos kaniya ug husayon siya didto sa atubangan sa katilingban.

Josue 20:9 Cross References

Numeros 35:13

Kining unom ka mga lungsod mahimong inyong mga lungsod nga dalangpanan:

Numeros 35:15

Kining unom ka lungsod mahimong dalangpanan dili lamang sa mga Israelinhon, kondili, lakip na usab sa mga langyaw nga nagpuyo uban kanila, aron ang si bisan kinsa kanila nga makapatay nga wala tuyoa makadangop nianang mga lungsod.

Josue 20:4

Modangop siya sa bisan asa niini nga mga lungsod, ug moatubang sa mga tigdumala didto sa pultahan sa lungsod ug mopasabot kanila sa nahitabo. Unya pasudlon nila siya ug hatagan ug dapit nga kapuy-an.

Josue 20:6

Magpabilin siya sa maong lungsod hangtod mahusay ang iyang kaso atubangan sa katilingban, ug hangtod mamatay ang pangulong pari nga nag-alagad nianang higayona. Unya makapauli na siya sa ila.”

Josue 20:8

Sa sidlakang bahin sa Suba sa Jordan duol sa Jerico, gipili nila ang Bezer sa kamingawan sa kapatagan nga sakop sa tribo ni Ruben, ang Ramot sa Gilead nga sakop sa tribo ni Gad, ug ang Golan sa Basan nga sakop sa tribo ni Manases.